Stan scribeva:

>Con respecto al criticas de interlinguanos de esperanto, io opina que
>il guasta le effortio.  Io va defender le interlingua contra le criticas,
>mais io non va lancear le criticas de esperanto mesme.

E io es integremente in accordo con Stan. Recentemente, io ha debattate in
sci.lang con un esperantista ben cognite de Internet, Don Harlow. (Io ha lo
facite sub mi pseudonym del Internet, John Richardson.) Io non era
totalmente felice con le resultate. Mi scopo era primemente explicar certe
characteristicas unic de interlingua. Nonobstante, quando on tenta defender
interlingua il es assatis difficile non cader in criticas de esperanto -
proque attaccas le plus forte veni del campo de esperantistas, qui face lor
proprie comparationes secundo le theoria de lor lingua preferate.

Io opine que un comparation objective e amical inter le duo lingua poterea
esser interessante e utile. Ma un tal excambio de opinion debe ya non haber
como su scopo le advocation de le un o le altere lingua.

(Stan: E nunc, nove criticas ex le campo lojbanista - le grande lojbab
ipse! Io trova su commentarios in parte bon, ma ille ha anque certe bizarre
ideas - p.ex. que le interlinguistas deberea "disvelopper" parlatores
native, pro ganiar le respecto del linguistas professional!)

Amicalmente, ma alsi combative a vices,

Chris Burd
Victoria, Columbia Britannic