--
>Date:    Wed, 7 Aug 2002 21:49:44 +0200
>From:    Stefano&Emanuele Loretoni <[log in to unmask]>
>Subject: Salve!
>
>Salve! Mi nomine es Stefano Loretoni e io es italian;io ha discoperite =
>interlingua pauc septimanas retro. In respecto al question del =
>citatania, io es del opinion que on deberea conceder lo solmente post le =
>cognoscentia del lingua national e de un minimo de historia e cultura =
>del nation del qual on vole reciper le citatania.
>In respecto a interlingua, io volerea dicer que omnes le parlatores de =
>iste lingua se deberea fortiar a parlar o scriber in un modo le plus =
>possibile fidel al vocabulario official de iste lingua; le linguas =
>construite, nam se funda solmente su un stabile convention que da =
>garantias de constantia in le tempore; foras de isto es solmente =
>division e le fin, pro un lingua artificial, como es jam occurrite in le =
>passato a multe altere linguas artificial. Salutes!
>Stefano Loretoni

Ben venite a interlng, Stefano! Io es felice vider plus italianos
interessar se in interlingua.

Super tu recommendation, tu debe apprender que il non ha un "interlingua
official" si isto significa un version o forma sanctionate per
alcun institution o gruppo.  Interlingua es sanctionate per le
parola del linguas del gentes qui parla le linguas influentiate
per le latino.  Le Interlingua - Anglese Dictionario non es sin
errores, e errores es possibile proque illo es un essaya a facer
patente un realitate latente in le linguas europee que existe
objectivemente. Interlingua es le vocabulario international in le
linguas europee, con le grammatica minime necesse pro usar lo como
un lingua.  Illo non es un lingua inventate secundo specificationes
de facilitate o simplicitate - solmente secundo le internationalitate.
Totevia illo es facile e simple, mais gratias al regularitate e
ordine del romanos e le reduction in formas grammatic del anglese.
Nos ha criterios de correctessa de internationalitate, mais illos
es linguistic e philologic e non basate super le facto que un
forma existe in un certe dictionario.  Totevia le Interlingua
English Dictionary es nostre fonte principal del vocabulario
international, mais illo non es un Biblia Sacre.  Isto es le
differentia inter le scientia e le religion....

Cordialmente,
Stanley Mulaik