"Ladino" es usate in America Central pro significar le personas de descendentia europee, in
contrasto con le indianos e le mestizos (personas de descendentia miscite indian/europee).

Un altere nota (multo pedantic): Le altere nomine pro ladino o judeo-espaniol  non es "scripte
'Djudezmo' in ladino" perque ladino non usa le alphabeto latin; illo usa le alphabeto hebree
(ma perque in le rete on necessita software special pro usar altere alphabetos que latin, le sito
al qual Jay nos ha referite usa transliteration). In anglese djudezmo es scripte "Judezmo," ma
io pensa que in interlingua, pro esser orthographicamente correcte, illo debe esser scripte
"djudezmo."

Mi patre, nascite in le Statos Unite como le filio de judeos de Russia (actualmente de
Mogilev, que hodie es in Belarus) ha duo linguas native, anglese e yiddish (judeo-germano).
Yiddish etiam es scripte in le alphabeto hebree, adaptate pro scriber un dialecto de germano.
Il ha altere idiomas judee como judeo-italiano, judeo-perso, e judeo-greco (appellate
"romanyot" perque le grecophone imperio del Byzantium era le "imperio de Roma"), e istos
anque usa le mesme alphabeto como hebreo--que es vermente le alphabeto de aramaic;
quando mi ancestres ha comenciate a usar aramaic in le loco de hebreo pro usas quotidian,
illos ha adoptate le alphabeto de aramaic pro scriber hebreo etiam.

Io ha scribite "mi ancestres" ma in veritate, le phrase debe esser "nostre ancestres." Hodie,
post plus que duo mille annos, toto de nos ha ancestres judees de ille tempore, como toto ha
ancestres qui era arabos, germanos, chineses, etc ante quasi duo e medie millenios. Tote nos
son metizos!

-Julio