Ruud,
  Il non ha alcun problema, si le governamento pote crear le
moneta necesse pro pagar su debitos (que le nostre face), e
si le governamento equalmente ha methodos pro contrar le
inflation (taxas, reduce expendituras governamental, importos, 
interesse bancari, sparnios, vendimento de valores governmental 
per le banca central a bancas.  Nos non ha habite hyperinflation.  
E le debito national es redempte per nostre banca central con nove
moneta o reconducite (rolled-over) indefinitemente per nostre
Tresoreria. 

Inflation occurre solmente quando moneta in excesso cacia
benes e servicios limitate in circulation.  Lo que es necesse 
in tal casos es reducer le moneta in circulation. Tu lo face
per elevar taxas, incoragiar importos, elevar interesse bancari,
reducer expendituras governamental,incoragiar le sparnios.

Le idea que le inflation occurre solmente quando il existe plus
moneta que benes a precios stabile es erronee.  Si le moneta
que existe non es in circulation in un pais, illo ha necun 
effecto super le precios.  Un bon exemplo es le 'facilitation
quantitative de nostre banca central, que comprava trilliones
in valores governamental de bancas.  Il habeva necun inflation
proque necun de iste moneta create pro comprar le valores esseva
usate pro appoiar nove prestos del bancas que recipeva le moneta
nove. E le bancas non va facer nove prestos si le commerciantes
non los vole, proque il ha insufficiente demanda pro lor productos.
Le nove moneta debe esser in circulation pro crear le inflation.
Le governamento debe crear nove moneta e expender lo in circulation 
super projectos como le infrastrucura del pais. Isto creara nove
obreros in construction e altere empleamento, qui va expender 
iste moneta pro benes e servicios a lor casas, autos, e familias.
E isto va crear le demanda pro plus moneta in circulation que
le bancas pote provider.

Quando alcun inflation resulta, le banca central va vender le
valores que illo possede a bancas.  Le governamento debe equalmente
reduce le expendituras e eleva le taxas pro extraher moneta del
circulation.  Le importos debe esser incoragiate.  (Nos ha
habite duo guerras con le expendituras deficitari e pauc
inflation, proque nos importa trilliones in $ de benes facite
in China.  Le chinese comprar le valores governamental con lor
dollares, e isto prende iste dollars foras le circulation. Lor
dollares es retenite in contos in le banca central, e va esser
retornate a illes quando le valores se matura. Le interesse es
create per le banca central de nihilo. 

Nos ha un systema de moneta per decreto del governamento que es
soveran super le moneta. Le Europa non ha un governamento central
soveran super su moneta.  E le Banca Central Europee non ha le
mandate de cercar le plen empleamento in addition a precios stabile.
Le prediction esseva, ante le euro zona esseva create, que le
systema europee faller, proque il habeva necun governamento con
le mandato le ben esser de tote de Europa e su populos e le
poter crear qualcunque moneta que es necesse pro facer isto. 

Nos hodie ha un similar problema con nostre Tea Party GOP. Ben que
legalmente nos pote solver nostre problemas con crescite expendituras,
illes prohibi isto in refusar le legislation requirite pro expender.
Illes pensa que nostre governamento central es similar a casa,
familia, comercio, o stato o governamento local. Cata un debe
obtener moneta de altere partes e non pote crear lo. Mais nostre
governamento pote crear su moneta, debe crear lo e expender lo in
tempores de deflation.  Mais illes es ignaros e ignorantes.

 E illes
ha un incorrecte conception de nostre debito national.  Plus que un
medio de illo NON es debito pro prestos al governamento pro su
operationes. Illos es depositos temporal per investitores que vole
alcun interesse e un secur banca. Lor moneta in lor contos essera
retornate a illes a maturitate. O illos es valores al Fed
(banca central) que ha essite comprate per le Fed a partir de bancas
usante moneta create de nihilo. Il non ha alcun specific prestator
a que es debite lor valor. Illos es solmente debito potential e non
actual.  Mais tote istos es contate in le si-nominate lege del
limite de debito. (Io pensa iste lege es inconstitutional non solmente
stupide).

Le resto del debito pote esser redempte per le banca central per
moneta create de nihilo. O le debito pote esser reconducite indefinitemente.
Le debito realmente non es un problema, mais americanos es tanto ignorante
super le systema bancari.  E io refere al majoritate de americanos a partir del
Presidente, le Congresso, le media al homine in le strata. 

Bastante pro ora.

(Le vocabulario economic es nove pro me. Io debe cercar cata
parola economic.)

Ora, nos discute alque non linguistic.

Stan


----- Original Message -----
> 19:00 23-2-2014, Kjell Rehnström:
> >Ego credeva que es plus que 10
> >percentos, que non sembla multo, ma
> >forsan ego mal comprende.
> 
> Iste vole dicer que le governamento americane cata anno dispensa
> 110 percento quanquam illo recebe solmente 100 percento in
> impostos. Le altere 10 percento es prendite in presto. Anno post
> anno.
> 
> Isto non pote continaur sin grave problemas.
> --
> Ruud Harmsen, http://rudhar.com
> Ressources sur interlingua: http://rudhar.com/lingtics/intrlnga.htm
> 
> 
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
> 


--
Pro leger le archivos e pro modificar o cancellar le subscription:
http://listserv.icors.org/archives/interlng.html