Chris Burd wrote:

> On debe congratular Bob Petry de su projecto pro Interlingue/Occidental
> (quasi un lingua-soror de nostre interlingua de IALA). Nonobstante, io
> opina que programmas de radio (conventional o per le web) esserea plus apte
> pro movimentos como le nostre que un programma televisori. On debe
> reguardar le ressources disponibile e anque le character de lo que nos vole
> communicar.
>
> Naturalmente on debe vider le programma de Bob ante judicar lo.

Cellus P:
Non habente information de prime mano del programma il es difficile pro me
judicar. Si ego deberea facer un simile programma ego crede que ego volerea
esser multo ben preparate si alcuno volerea questionar re le lingua. Ego ha
participate in discussiones public - in multo micre scala - in re interlingua,
et ego sape que il pote esser multo difficile a vices. On pote reciper
questiones totalmente inattendite!

Le problema quando on presenta un tal cosa es que on debe poter livrar. Post
un programma in le radio on ricepera un multitude de questiones et on debe
poter responder a totes, inviar informationes a personas interessate. Mesmo le
bahais in svedia ha optime folios volante que nos in re su crede!

Como un narrator de historias amusante il pote esser multo facile facer un
attacco al medios ancora un vice quando on ha succedite un vice. Personalmente
ego suppone que on debe esser caute e non eroder su imagine public. Como vos
comprende isto es un pecia de acrobatia. Sortir al medios et al mesme tempore
non facer lo troppo frequentemente.

Humanos lege pro exemplo un articulo in re interlingua in un jornal et oblida
toto usque un momento in le futuro, quando illes proba contactar le
organisation de interlingua in le pais, si il ha un tal organisation.

Sed si vos senti le inspiration, il pote esser multo interessante informar in
re interlingua. Ego probava disseminar information re interlingua a un
congresso de heraldicos unquam ci in Uppsala, pro justo indicar un exemplo.

Amicalmente