Car amicos in tote le mundo,
Ha vos facite le planos pro vostre vacantias in le estate 
de 2003?   Si non:
reserva le tempore 26 de julio usque al 4 de augusto 
pro participar in le 16-e Conferentia International in
Bulgaria (citate Lovetch, centro de conferentias Slivek,
in le montanias, 160 km distante de Sofia, le capital).
Tote le participantes arrivante in Sofia essera transportate
per un autobus reservate a Lovetch e le arrangiatores 
prepara un visita guidate 

Si vos jam ha facite altere planos:
 cambia los e
veni participar e ganiar un experientia inoblidabile de viver
un septimana (in un hotel moderne e confortabile) in un
ambiente totalmente interlinguaphone e pro vider iste pais 
belle e interessante.  Plure excursiones es includite in
le precio.    
Vide le informationes complete in www.interlingua.com
e usa le scheda de adhesion in Panorama numero 6/2002
o adhere via le rete!     Vos va notar que le precios es basse.
Nos exhorta specialmente le multe nove interlinguistas in
Italia, Espania e Portugal a venir!  Mario ha "semi-promittite".

Benque le viage es longe ab le altere continentes, nos spera
que tamben  le juvene interlinguistas de America del sud e del SUA
(Alyssa, Brie, Tiffany, Paul etc.) va junger se con le minus juvene
 e utilisar iste opportunitate de cognoscer personas de 
dece-cinque - vinti nationes, de ascoltar discursos, discuter,
planificar pro le diffusion de Interlingua, cantar, conversar tote
le noctes... (On non dormi in le Conferentias de Interlingua,
non multo.)
Personas qui ha un vice participate in un tal Conferentia
nunquam dice que illes lo regretta!

Il es importantissime que le scheda de adhesion e le
pagamento initial, 70 euros, attinge Milen Shopov
a n t e   le 15 de april, dunque non hesita, age rapidemente!

Le organisatores local es un gruppo de juvene studentes bulgare
sub le direction de Milen Shopov, jurista e de Petio "Pavarotti"
Angelov, un cantator fantastic.
Si alcuno non pote participar in persona, ma desira supportar
le juvenes de Europa del est, qui ha grande difficultates 
financiari, vos pote inviar un contribution al cassa de UMI
(Piet Cleij, Nederland).
A revider in Bulgaria!
Amicalmente,
Ingvar

Ingvar Stenström
Vegagatan 12
S-432 36  VARBERG, Svedia
Tel. +46-/0/340-15053
[log in to unmask]
[log in to unmask]
[log in to unmask]
www.interlingua.com
www.interlingua.nu