Primo le apologia.
Si, le correcte parola es _minuta_  (mi proprissime lapso de cerebro!)
Io va leger le grammatica plus attentivemente e tener me strictemente al
grammatica de Gode e Blair.

Il esserea exorbitantemente melior si nos non viderea le errores de nostre
vicinos pro le inadvertentias in nostre proprie oculos. Infelicemente le
processo functiona in reverso!

Quanto al cosas del presidente Clinton e senioretta Lewinsky on pensa que
le procurator Starr (io non es certe del orthographia ci) comenciava
investigante le causa de Whitewater e finiva con senioretta Lewinsky, si
assi dicer...

Io ha legite que J.F.Kennedy habeva un multitude de relationes con feminas,
sin que isto in alcun maniera influeva a su stato politic.

Un multo interessante cosa pro comparation es le multo popular e amate
prime ministro de Svedia durante le annos 1939 - 1945. Per Albin Hansson
viveva de facto con duo familias. Su prime marita non del toto voleva
acceptar le vita public, ma* voleva viver in su ambiente normal.

Io non ha legite detalios del altere femina, ma si io comprende le
narrationes correctemente, le viro de facto habeva duo familias, e isto era
totalmente incognite al publico.

Io controlava in mi encyclopedia _Fokus_ e ibi on non scribe un sol parola
de iste factos, solmente del cosas que ille faceva in le vita official,
public.

PAH era ministro de defensa in le prime governamento social-democrate e
prime ministro in sequente governamentos.

Io ha etiam apprendite que post omne verbos que non es _esser_ e _haber,
devenir, facer se, semblar_ seque _infinitivos_.
Io pote parlar.
Anselmo desira cantar.
Eulalia vole dar un conferentia (facer un *prelection).
Sten intende viagiar a Singapore.

Ma: Io ha parlate.
Isto es corrigite.
On deveni interessate.
Isto se face sempre plus interessante.
Ille se face plus interessate in nostre activitates.

*Le parola _ma_ es non solo occidental, isto es etiam permittite secundo le
grammatica de interlingua e sta in [ ..] in le IED.





[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden