-------------------------------------------------------------------
-->> FREE Perl CGI scripts add WEB ACCESS to your POP email accounts!
-->> Download today!! http://www.adjeweb.com
-------------------------------------------------------------------

Oi!

Un surprisa durante nostre sojorno a Fortaleza ha essite discoperir
que il habeva un exposition del obras del sculptor francese Auguste
Rodin al "Centro 'Dragão do Mar' de Arte e Cultura".

Le obra le plus famose de Rodin es sin dubita "Le pensator".

Nos ha comprate le billets e, con un guida, nos ha essite conducite
per le obras, recipiente alcun rapide explicationes super cata un de
illos: Le burgeses de Calais, "Le Basio", "Io es belle", "Le homine
qui cade", "Eva", "Balzac", e alteres. E, obvio, "Le pensator".

Curiose es saper que "Le pensator", assi como "Le basio" e "Le homine
qui cade", es ampliationes individual de elementos que compone un
altere obra sue: Le "Porta del Inferno", inspirate a partir del
"Porta del Paradiso" del baptisterio de Florentia, e del Inferno de
Dante Alighieri in "Le Divin Comedia".

Un altere curiositate involve le obra "Eva". Le obra portraita un
femina coperiente su facie con le bracios, como si demonstrante
vergonia, in un obvie allusion al peccato original. Le detalio
interessante es que le modello qui posava pro Rodin era -- sin que
illo lo sapeva -- gravide. Rodin se intrigava con le facto que ille
notava "cambiamentos" in su modello, e assi ille multe vices ha
debite retoccar le obra. Al fin ille ha discoperite le mysterio, e su
modello ha fugite. Le obra ha restate incomplete. Ma -- io pensa --
nihil poterea esser plus correcte: Eva poterea multo ben esser
gravide quando Deo ha discoperite le peccato original! :^)

Artisticamente,
Ensjo.