CURSO BASIC DE INTERLINGUA PRO HISPANOPHONOS
 
 
http://www.interlingua.com/es/curso
 
 
Hispanophonos (e omnes, qui parla espaniol) pote ora sequer un curso de interlingua in 15 lectiones per Internet.
 
Le Union Mundial pro Interlingua ora publica "Curso básico de interlingua para hispanófonos" (Curso basic de interlingua pro hispanophonos). Le curso es un version espaniol del curso scribite pro daneses per Thomas Breinstrup, le secretario del Union Danese pro Interlingua. 
 
Illo es publicate in formato PDF lection post lection, assi que on pote discargar lo e apprender le circa 750 parolas. Le prime dece lectiones forma un historia complete del familia García, qui va a Scotia pro visitar lor amicos. Il ha explicationes grammatic e exercitios pro cata lection. 
 
Le ultime cinque lectiones es conversationes plus longe.
 
Josu Lavin ha traducite e adjustate le version espaniol del curso que es illustrate per Henrik Breinstrup, le patre del autor.
 
Tote le materiales del curso es ponite a disposition libere ma remane coperite per le derecto de autor. Isto significa que on naturalmente pote usar lo personalmente, ma que il non es permittite distribuer lo a alteres, ni publicar lo in altere manieras, p.ex. per altere sitos in Internet o sur CDs/DVDs, sin le permission in scripto del possessores del derecto de autor.
 
 
_________________________________________________________________
Llévate Messenger en el móvil a todas partes ¡Conéctate!
http://www.microsoft.com/spain/windowsmobile/messenger/default.mspx   
--
Archivos e disabonar: http://listserv.icors.org/archives/INTERLNG.html