On Thu, 9 Oct 2008 23:21:50 +0200, Erik Enfors <[log in to unmask]> wrote:
Car amicos
Io insere mi responsas intra le message de Erik
>Car amicos!
>
>Le logo de SSI que es designate ante plure annos per Ingvar Stenström (ma
>non ha essite usate usque al ultime anno), ha nulle connexion a UE excepte
>que il ha stellas.
Isto non es ver, le integre logo ha plus de connexiones: le stellas es jalne
sur un fundo blau e iste factores insimul es un univoc referentia al Union
Europee. Si al minus un factor era eliminate in le logo - p. ex. le fundo
non esserea blau o le stellas non esserea jalne - io non haberea ulle
objection contra iste logo, proque alora illo non del toto monstrarea ulle
connexion con le logo o bandiera del Union Europee.
>Ingvar ha date iste pensatas como explication del symbolo:
>Interlingua es un ponte. Ille ponte ha duo fundamentos, le latino e le greco
>(le duo stellas sub le ponte). Le cinque stellas super le ponte es le cinque
>linguas de fonte.
>Io opina que isto es un multo bon pensata
Si, ma qui recognosce iste referentias sin lo que tu o alteres lo explica a uno?
Univocamente le prime pensata de uno quando on vide iste logo es, que illo
multo simila al symbolos del UE e non lo que Ingvar o tu explica super le
cinque stellas como le cinque linguas de fonte de interlingua (mesmo, plus
strictemente il ha quatro linguas, proque le espaniol e le portugese
matematicamente se calcula como un lingua-fonte pro interlingua in le
"regula del tres" - ma io accepta, que in un tal symbolo politic e non
linguistic, como un logo o un bandiera, on debe appreciar le populo
portugese o le populos lusophone assi, que lor lingua e cultura es
symbolisate per un aparte stella).
> e illo excusa le similaritate con
>le bandiera del UE.
Pro me non. :-)
Io sape super le criticismo de Ingvar verso le Union Europee - certo non
verso le idea, ma verso le solutiones economic, etc. -, justo pro isto io ha
essite surprendite, proque ille ha applicate per intention le combination de
"jalne stellas sur un fundo blau", que es un univoc referentia al UE...
Amicalmente:
Péter
--
Archivos e disabonar: http://listserv.icors.org/archives/INTERLNG.html
|
