>From: Alberto Mardegan <[log in to unmask]>
>Date: Thu, 9 Aug 2001 21:00:00 +0200
>
>On Wed, Aug 08, 2001 at 08:33:42AM +0200, Mario Malaguti wrote:
> > Io va probar deberea significar, pro me, le presente io proba, nonne?
>
>No, illo es futur, como "I'm going to try it" in anglese.
E tu ha simplemente ration! Iste Mario deberea pensar de plus antea de
scriber! E ora que facera io con le scriber, sin haber tempore de pensar?
Vide subtus, per favor.
> > Ora que io ha facite le parte del impreparate, tu per favor, proba a
> > describer illo que "io" debe facer pro devenir del compania.
>
>Tu te debe munir del programma mIRC (io crede que le sito es
>www.mirc.com, ma illo es un programma multo commun, que tu poterea etiam
>discargar de http://volftp.mondadori.com, si tu ama le sitos italian).
>Io non pote tamen adjutar te ultra, postque io usa Linux e io non
>remomora le procedimento de configuration de mIRC. Io spera que Martijn
>te respondera plus accuratemente.
>
>--
>Saluti,
> Mardy
Ora io ha mi copia de mIRC e un nickname multo apte a mi persona in
consideration de mi capacitates multo, ma multo limitate con le anglese.
Vos me trovara como <illiterate>!!!
Necuno poteva pensar a un tal sorta de nickname.
Illo es obra de mi Angelo que me ha dicite: Tu? Con le anglese? Que vole tu?
Vole tu facer rider le mundo?
Assi io ha pagate le precio a Angelo: illiterate!
Ille ha comocunque agitate su capite, ma ille non ha dicite altere.
Sape tu Jay qual pote esser le ration de iste modeste comportamento de mi
Angelo? Ben 300.000 Testes de Jehova italian es in reunion in iste dies in
tote Italia e de illes, 80.000 es a Roma.
Tu sape! Angelo pote esser tolerante, ma comocunque non troppo contente
forsan perque le television da multe emphase a iste manifestation.
Alora pro dar me un conducta con Angelo io ha probate a connecter me un
prime vice e io me ha blocate in le medio de un turbine: uno qui entra, duo
qui exi! Tres qui entra, uno qui exi!
E in le medio poc messages scribite, ma plus signal sonor.
Al fin io discoperiva illo que era iste messages e io probava clicar le
buttones que appareva a omne nove sono.
Qual sorte con Angelo! Illos era invitationes a sitos de pornographia!
Io debeva facer le indifferente, ma al fin io debeva quitar iste prime
lista.
Uno debe facer se experientia, nonne? E sempre le experientia passa pro le
meme campo natural, forsan!
Angelo sape isto, ma ille era jam de mal humor pro factos sue, assi io
probava un secunde lista, ubi io incontrava un certe John del Florida con le
qual io excambiava un belle numero de messages sempre in modo plus secur e,
sape vos? in anglese, obviemente!
Io debeva facer me le reputation con Angelo.
Al fin John me scribeva: I will teach you and you can tech me and we both
get better ok?
Isto era le momento que per Angelo io poteva concluder iste connection.
Isto era troppo pro ille!
Bon car Amicos, ora io deberea trovar come connecter me con #international,
nonne?
O alteremente me pote vos repeter ubi io vos trovara pro scriber in
Interlingua? In iste lingua io es bastante veloce, sape vos?
Obviemente io rendera in Interlingua plus patolas italian, ma isto deberea
esser normal quando nos debe anque devenir veloce in le recerca del
terminos, nonne?
Mardy, potera tu adjutar me con le adresse?
Gratias e ciao,
Mario
_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp
|
