[ traduction de un historio recipite ab mi amico Balam ]

    Un die un homine transversante un strata audiva un rana qui le
advocava.  Le rana diceva, "Si tu me basia, io devenira un princessa."  Le
homine se inclinava, sublevava le rana, e poneva lo in su tasca.
       Le rana appellava de novo e diceva, "Si tu me basia e me reface a in
un princessa belle, io informara toto mundo como tu es intelligente e como
tu es mi heroe."  Le homine prendeva le rana ex su tasca, surrideva a lo, e
alora retornava lo a in le tasca.
       Le rana altiava le voce ancora un vice e diceva, "Si tu me basia e
me reverte a in un princessa belle, io devenira tu companion amante durante
un septimana."  Le homine prendeva le rana ex su tasca, surrideva de novo,
e retornava lo a in le tasca.
       Alora le rana critava, "Si tu me basia e me reverte a in un
princessa, io remanera con te duranta un anno e facera ALIQUE tu vole."
Ancora un vice le homine prendeva le rana e retornava lo al tasca.
       Finalmente, le rana demandava, "Que es le problema?  Io te diceva
que io es un princessa belle, que io remane con te un anno facente alique
tu volerea.  Perque tu non me basia?"
      Le homine respondeva, "Vide, io es programmator de computores.  Io
non ha tempore pro haber un amorata.  Ma, haber un rana parlante, isto es
chic."