Le debito private e personal in le Statos Unite es alte.
Fortunatemente io ha necun debito.  Mi casa es mi proprie.

Totevia mi filios ha le debito.  Mi juvene filio Roberto
habeva multe debito de carta credito quando ille se marita.
Mais su sposa ha insistite que ille destrue su cartas de
credito.  Lentemente illes reduce lor debito.  Io non sape
le caso de mi altere filio, qui es plus ric.  Como tote
juvene gentes ille e su sposa comprava lor casa grande per
un presto del banca.  Mais illes ha grande salarias.
Illes labora multo pro facer succeder lor parve commercios.
In lor position io haberea comprate un casa minus grande.
Mais le sposa de mi filio ha un matre que ha frequente
maladias, e illa habita lor casa multo durante que illa
recipe le tractamentos medic.  Le patre del sposa de mi
filio es un programmator de computatores e debe laborar
frequentemente in altere statos e visita su sposa al fin
del septimana.  Mi filio mesme labora in altere statos e
retorna a casa solmente al fin del septimana.

Le debito national es grande e le interesse pagate cata
anno es un parte major del budget national.  Io favora
Al Gore proque ille va cercar a reducer le debito national
pro facer possibile a poner plus moneta in le securitate
social in le annos sequente.

Stan Mulaik