Jay Bowks wrote:

>Eheu, Kjell, como va le
>cosas al altere latere del
>Atlantico???
>
Ci in Svedia occurre interessante cosas. Nos habera un referendum in re
le accesso de Svedia al Europee Monetari Union, i.e. que nos va
introducer le euro anque in Svedia. E le inimicos de iste reforma, le
"latere no" es le plus forte. Secundo mi opinion on usa argumentos
stupide, idiotic e false. Il ha, in le ver senso del parola, un
majoritate reactionari in iste pais. E ego audi que un membro del
partito conservatista, un economo national, del qual ego habeva plus
alte pensatas, professionalismo etc. parla in favor de un "no" a causa
del nove constitution europee (!) :-O que es, como se comprende un
totalmente altere cosa. Como nos dice in svedese: "Quanto stupide lice
esser!?" (Pensa de "licentia", lo que lice facer."

Del latere practic ego ha essite foras de mi computator. Vermente ego es
un retomano. Del altere latere ego ha gaudite del natura. Del stupende,
generose, animatornante, vertiginose estate del nord. Justo hodie place
al sol brillar durante 18 horas ci in Uppsala. Toto es verde e floresce.
E le temperatura non es plus alte que on pote passar toto sub le sol,
sin riscar un colpo solar. Isto, amicos e camaradas, es lo que nos ha
expectate tote le anno. Isto es le saison pro le qual nos vive ci. In le
tenebrose decembre nos dicera un al altere: "An tu memora le estate
passate?" E nos videra picturas de verdura, de flores de folios verde,
del sol brillante de un clar celo. Un cosa del qual pensar quando le die
essera 5 horas e 59 minutas!

Kjell R