From: [log in to unmask] <[log in to unmask]>
Date: Saturday, October 17, 1998 1:38 PM
Subject: (no subject)


OMNE LE BON COSAS...

Ille esseva in le classe del tertie grado
que io inseniava in "St. Mary's School" in
Morris, Minnesota. Tote mi 34 studentes
esseva multo car pro me, ma Mark Eklund
esseva como un inter un million. Multo nette
sempre in su apparentia, ma con ille attitude
de felice-de-esser-vive que faceva usque su
puerile malevolentias quasi amusante. Mark
parlava incessantemente. Io debeva rememorar
le constantemente que parlar in classe sin
permisso non esseva acceptabile. Lo que me
impressava tante super ille, esseva su sincer
responsa cata vice que io debeva corriger lo
pro comportar se mal.

"Gratias pro corriger me, Sor Helena."

Io non sapeva que creder al primo ma ante
de multo tempore io deveniva accostumate
de audir lo multe vices cata die. Un matino
mi patientia se accurtava quando Mark
parlava un vice de plus saepe e tunc io
commiteva un error de professora-comenciante.
Io mirava a Mark e diceva... "Si tu dice un parola
plus io va poner un banda adhessive super tu
bucca!"

Non passava dice minutas quando Chuck annunciava
"Mark es a parlar un altere vice, Sor. Helena!"
Io non habeva petite que necun del studentes
me adjuta a controllar Mark, ma ja que io habeva
annunciate le punimento al fronte del classe, io
debeva tornar mi parola in action.

Io rememora le scena como si illo occurreva
iste matino. Io andava a mi scriptorio e multo
deliberatemente aperiva mi tiratorio e extraheva
un rolo de banda adhessive.

Sin dicer un parola, io procedeva al scriptorio
de Mark, e faceva un X con duo pecias de banda
adhessive super su bucca. Tunc io retornava al
fronte del camera.

Quando io tornava me pro observar como
ille reagiva, ille respondeva con un batter
de palpebra. Illo lo faceva toto! E io comenciava
a rider multo. Le classe etiam quando io andava
un altere vice al scriptorio de Mark e removeva
le banda adhessive, e io altiava mi brachios.

Su prime parolas esseva "Gratias pro corriger me,
Sor. Helena!"

Al fin del anno scholar le administration me
demandava inseniar un classe de nove-mathematica
pro le schola medie. Le annos passava tosto, e ante
que io lo sapeva Mark esseva in mi classe un altere
vice. Ille esseva plus belle e tante polite como
anteriormente. Ja que ille debeva auscultar
attentemente a mi instruction in un nove subjecto
(le nove-mathematica), ille non parlava tanto in le
novem grado quam in le  tertie. Un venerdi le cosas
non vadeva ben. Nos habeva laborate multo dur
con un nove concepto tote le septimana, e io sentiva
que le studentes esseva frustrate, con frontes
corrugate, e ennoiate le un con le altere. Io debeva
poner un fin al irritation ante de que illo se scalava.
Tunc io demandava les listar le nomines del
altere studentes in le classe in duo folios de papiro
lassante spatio detra de cata nomine. Tunc io
demandavava les pensar del melior cosas que
illes poterea dicer de cata un de suo collegas in
le classe e scriber los. Assi transcurreva le resto
del classe, con le studentes a pensar e scriber
usque illos terminava le assignatura e quando le
campana sonava e le studentes sortiva, illes me
dava cata un lor folios de papiro. Charlie surrideva.
Mark diceva, "Gratias pro inseniar me, Sor. Helena,
habe un bon fin de septimana!".

Ille Sabbato io scribeva le nomine de cata studente
in un folio separate e io listava lo que cata studente
diceva de ille individuo. Le lunedi io dava a cata
studente su lista. E ante de multo tempore le integre
classe esseva surridente. "Realmente?" io audiva
un de illos dicer... "Io nunquam sapeva que illo
significava alco a necuno!" "Io non sapeva que io
gustava le al alteres tanto!"

Necuno mentionava ille folios de papiro in le classe
un altere vice. Ma illo non importava. Illos habeva
accomplite lor mission. Le studentes nunc esseva
contente un con le altere. Ille gruppo de studentes
avantiava. Varie annos plus tarde, depost que io
retornava del vacantias, mi parentes me incontrava
al aeroporto. Quando nos vadeva a casa in carro,
mi matre me faceva le usual questiones super le
viage... in re le clima e mi experientias in general.
Il habeva un momento de silentio in le conversation.
Matre dava un mirada a Patre movente solmente
le oculos in su direction, e simplemente diceva...
"Pappa?" Mi Patre acclarava su gorga como ille
sempre faceva ante de dicer alco importante.
"Le Eklunds nos telephonava le nocte anterior..."
ille comenciava, "Vermente?" io lo interrumpeva,
"Io non audiva de illos ja face annos. Como sta
Mark?"

"Mark... moriva in Vietnam..." ille diceva, "le funerales
son deman, e su patres voleva saper si tu poterea
attender". Usque hodie io pote indicar le exacte puncto
super le strata I-494 ubi Patre me diceva le novas
in re Mark.

Io nunquam habeva vidite un soldato in un sarcophago
militar. Mark pareva tanto belle e matur. Le unic cosa
que saltava a mi mente esseva, "Mark, io darea tote le
banda adhessive del mundo si tu me parla nunc..."

Le ecclessia esseva plen del amicos de Mark. Le soror
Chuck cantava "Le Hymno de Battalia del Republica".
Pro que debeva pluviar in le die del funerales?  Il esseva
bastante dificile al sito del sepulctura. Le pastor enuntiava
le usual precarias e orationes, e le trompettero sonava
su melancholic musica de "taps". Cata uno de illos que
multo amava Mark passava per le sarcophago e
aspergeva lo con aqua sancte. Io esseva le ultime in
benedicer le tumba. Quando io stava illac meditante,
un del soldatos que habeva adjutate con le sarcophago
veniva a me e me diceva... "Esseva vos le professora
de mathematica de Mark?" e io le signava positivemente
con le capite durante que io continuava a reguardar le
sarcophago.

"Mark parlava multo de vos." diceva ille.

Depost le funerales, quasi omne le ex-colllegas de
classe de Mark vadeva al ferme de Chuck. Le patre
e le matre de Mark esseva illac. Obviemente illos
sperava me.

"Nos vole monstrar te un cosa". Le patre diceva,
extrahente un cartiera de su tasca. "Illos trovava
isto... quando Mark esseva occidite. Nos pensa
que tu lo poterea recognoscer". Al aperir le portafolio
ille attentivemente, ille extraheva duo folios de papiro
multe usate e obviemente plicate e replicate e
reparate con banda adhessive. Io sapeva sin leger
los qual papiros illos esseva. Le papiros que contineva
le lista de bon cosas que cata collega de classe de
Mark diceva in re ille.

"Multe gratias pro facer illo," le matre de Mark me
diceva. "Como vos pote observar, Mark lo guardava
como un tresor de ille".

Le collegas de classe de Mark comenciava a facer
un circulo con nos in le centro. Charlie surrideva multe
humilemente e diceva, "Io habe mi lista usque nunc.
Illo es in le prime tiratorio de mi scriptorio al casa".

Le sposa de Chuck diceva... "Chuck me demandava
poner le de ille in nostre album de maritage".  Marilyn
declarava...
"Io habe le mie etiam, illo es in mi diario".
Tunc Vicki, un del altere collegas del classe poneva
su mano in su bursa, extraheva su portamoneta e
inseniava la su multo usate e deteriorate lista al
gruppo. "Io porta isto con me tote le tempore,"
diceva Vicki sin le batter de un palpebra. "Io crede
que nos omne conservava nostre listas".

Tunc esseva quando io finalmente me sedeva e
comenciava a plorar. Io plorava pro Mark e pro
su amicos qui regrettarea tanto dolorosemente
su absentia.

Scripte per:  Sor Helena P. Mrosla