>Como le linguistica ha evoluate multo, e in un periodo assatis curte
>(desde 1960), il existe sovente un terminologia un poco differente inter
>le varie scholas de linguistica. Nonobstante, on se comprende ben, e si
>un linguista vide lo que io ha scribite, ille sape exactemente lo que io
>vole dicer, in su proprie terminologia. Lo que es importante, es de
>comprender que le adverbios face un operation que se trova sur un
>continuum. Evidentemente, io ha usate le illustration con le lampa
>solmente pro tentar de explicar isto, proque io sape que le membros de
>Interlng ha quasi nulle base in linguistica, solmente in grammatica
>normative traditional. Le grammatica traditional non ha criterias de
>analyse formal, alora illo se trova sovente in situation ubi illo non
>pote analysar le phrases de toto.
>
>
Anne,
   Io pote acceptar le facto que il ha un nove terminologia que usa le
parola "adverbio" in un nove, possibilemente plus precise maniera.
Mais como scientista e psychologo, io incontra ideas de multe campos,
e io tracta nihil como sacre.  In iste caso presente, io ancora pensa
que mesmo de in iste nove terminologia, il non ancora ha un explication
complete proque pro focalisar un relation inter subjecto e verbo plus
lontanmente, formas sovente reguardate como adjectivos es usate e non
altere formas; de plus il non es clar precisemente qual aspecto del
relation es focalisate per iste usage.  Ha vos un explication? Ha
altere linguistas?  Si le secunde, que es lor explication?

Stan