Le message de Jazef Harb es interessante. Ego volerea solo adder que un  
professor emerite svedese, Alvar Ellegård scribeva un interessante  
articulo e mesmo un libro, del qual ego solo ha legite le recensiones, in  
qual libro ille exprime le opinion que le ver fundator del christianismo  
es le apostolo Paulo.

Secundo Ellegård il era mesmo possibile que Paulo habeva mixate le persona  
de Jesu con le grande maestro apud le essenos. Ego mentiona isto solo como  
un cosa interessante, non habente le cognoscentia del material sufficente  
pro pronunciar me nec pro nec contra isto.

Lo que parla in favor de Paulo es naturalmente le episodo con le miraculo  
del mangiar. Ibi Deo dice a Paulo que ille pote mangiar toto que deo le  
dona. Que le leges del manngiar non vale in le nove tractato inter Deo e  
su credentes.

Vidite in iste lumine on pote comrpender le christianismo como un  
adaptation, primo apud le judeos in le diaspora al helenismo. Le paganos  
es anque attrahite a iste nove variante del religion.

Le interessante question es si nos va vider un anglification de islam  
tanto como nos, a un certe grado pote observar jam del christianismo. In  
un senso isto non es un cosa nove. Esque on non pote arrangiar le sikhismo  
e le fide baha'i de un simile typo.

Nos vive in un tremendemente interessante tempore, sin dubita.

Kjell R

--
Pro disabonar te: http://listserv.icors.org/archives/INTERLNG.html