[...]
>Le resultato del repartition del 32 equipas in le 8 gruppos favorisa la
>Francia e le Italia.
Heri il ha habite duo partitas amical:
Republica Tchec - Italia 1 - 0
Francia - Belgio 1 - 2
Il sembla que iste duo equipa national non son multo in forma in iste
periodo. Forsan le footballeros non se ha ingagiate troppo pro timor de
damnos o de fatigar troppo pro le mense futur. Le resultatos e le joco de
heri non sembla favorir un proxime victoria de Italia.
>Si le Francia vince in su duo prime partitas, le terce partita poterea
>esser sacrificate pro dar reposo al melior jocatores, como in le terce
>partita del campionato de Europa 2000: Pais Basse vince 2-1 le reservistas
>francese e poste le equipa major francese (reposate) vince omne altere
>partitas.
>Le melior jocatores francese poterea jocar le 28 de mayo, le 6 de junio,
>saltar le partita del 11 de junio, e jocar in 8e de finale le 15 de junio.
>Le reposo ante le quarte partita esserea 8 dies !
>Su adversario in 8e de finale esserea secundo del gruppo F (Anglaterra-
>Argentina-Nigeria-Svedia), le plus difficile e pro esser 2e de iste gruppo
>sus jocatores major haberea jocato 3 partitas difficile le 2 de junio, le 7
>de junio e le 12 de junio. Le reposo ante le 8e de finale le 15 de junio
>esserea 2 dies !
>8 dies de reposo pro le melior jocatores franceses contra 2 dies pro lor
>adversarios. Incredibile ma ver !
Solitemente il es necessari tres o quatro dies pro reposar se e digerer le
fatiga accumulate. Forsan tro dies de reposo pote bassar le concentration
physic e mental pro le partitas sequente; e isto es multo periculose pro un
longe torneo como es le mundial. Plus que le dies de reposo, io crede, il es
importante haber un optime condition physic e mental, un forte cohesion
inter le footballeros, alicun grande jocatores qui pote guidar le equipa in
le situationes de difficultate e non haber multe homines vulnerate o
disqualificate durante le torneo.
>Io crede que le equipa de Francia ha defensores un pauc vetule ma
>attaccantos bonissime : Trézéguet, melhor marcator del campionato italian ;
>Henry, melhor marcator del campionato anglese ; Cissé, melhor marcator del
>campionato francese ; Zidane marcator remarcabile en Espania, etc.
>Anque le Italia, con su equipa exceptional, in su gruppo G non troppo
>difficile pro illa (Italia-Croatia-Mexico-Equator), poterea sacrificar su
>terce partita pro beneficiar de un reposo quasi equal a lo del franceses.
>Ma pro omnes qual essera la realitate ?
>Amicalmente, Jacques
Con iste jocatores, es le Francia le equipa a batter, como io ha jam
declarate heri. Il serea desirabile un nove final Italia - Francia. Le final
de cuppa Europa perdite duo annos retro al ultime minuto, arde ancora multo
in le corde del sportivos italian!
Il sera comocunque multo difficile haber iste possibilitate. Il ha altere
forte equipas que pote ganiar le torneo: Brasil, Argentina son semper le
plus forte equipas sudamerican; Espania, Portugal, Germania, Anglaterra son
semper optime e periculose in lor joco e alicun campiones pote facer le
differentia. Del Piero, Totti, Inzaghi, Montella le major attacantes
(goleadores) italian
pote facer iste differentia? Le torneo lo decidera! Le exclusion de Roberto
Baggio con le "azzurri" ha create un forte fractura inter le trainator
Trapattoni e le sustentores e le pressa sportive italian.
Io non ama multo iste formula del torneo. Post le torno initial de
qualification, si on perde un partita on es tosto foras! Nimie partitas fini
con le penalties post le tempores regulamentari. Le cuppa del mundo pote
esser assignate solmente per actiones isolate de poc jocatores o solmente
pro hasardo.
Luca Ghitti
|
