"R.P.S." wrote:

> (...)
>
> Ben que io non audiva/legeva/videva multo le novas iste dies, isto pare
> esser un cosa multo simile a illo que occurreva in Espania. Inveloppes
> suspecte arrivava al jornal El País e alcun altere locos. On arrestava un
> persona in Zaragoza, io crede, pro esser suspecte de haber inviate alcun
> inveloppes como "un joco" (alcun personas ha un senso del "humor" multo
> estranie...).
>
> Confuse pro le senso del "humor" de alcun personas,

Io crede que il es in quasi cata homine un voluntate jocar. Como quando on
viagia per avion, e le tentation es enorme dicer in le controllo de
securitate que on ha un bomba in le valise, ma in le humano normal il ha
inhibitiones. On non face isto. In Svedia on pote esser condamnite a
sufficiente sever penas pro tal "jocos", lo que io senti es totalmente
rationabile. Nonobstante il ha personas qui non ha inhibitiones e qui es
stimulate per tal novas e invia inveloppes con varie sortas de contento.

Illes es stimulate per le reportos del medios. Il ha le tentation proponer le
interdiction de reportamento del medios, ma in ille caso on habera
in-corroborate famas, lo que es centuplemente pejor.

Cellus