Mille gratias, Harleigh, pro le dischetto con le Curso de conversation
que io recipeva ante alcun dies!   Io non ha habite le tempore pro perleger
toto, ma io es secur que illo potera servir ben como lectura pro studentes
de Interlingua post le manual elementari.  Tu grande labor pro publicar
tal textos in ia-in-ia es laudabile.    Solmente un cosa disturba me e 
altere interlinguistas:  le uso de "unes" immediatemente ante un substantivo.
Isto simplemente es un error - incompatibile con le grammatica de
Interlingua. Stan ha demonstrate isto tres vices e ille ha ration.
In le majoritate de casos illo pote esser substituite per "alcun".

Tu ha sempre emphasisate que tu es multo liberal verso cambiamentos
in tu textos e io recommendarea que Ado Hall face iste excambio in
le version que ille intende poner in le rete.

Un altere problema a que on debe prestar attention es le "false amicos"
- parolas que es equal in lor forma ma ha un signification non-identic
in tote le linguas fonte.    "Eventual" non ha le signification del "eventual"
anglese, illo non es un synonymo de "final" in altere linguas.  
"Actual" interlingual non es unquam usate per non-anglophonos in le senso
anglese in Interlingua.   A nos illo significa "current, present".    
"Actualmente" = "at present".

Le besonio de instruction del vocabulario e del grammatica de Interlingua
es grande in despecto del facilitate del lingua e nos te congratula a tu
obra multo utile!
Amicalmente,
Ingvar

Ingvar Stenström
Vegagatan 12
S-432 36  VARBERG, Svedia
Tel. +46-/0/340-15053
[log in to unmask]
[log in to unmask]
www.interlingua.com
www.interlingua.nu



Ingvar Stenström
Vegagatan 12
S-432 36  VARBERG, Svedia
Tel. +46-/0/340-15053
[log in to unmask]
[log in to unmask]
[log in to unmask]
www.interlingua.com
www.interlingua.nu