d[050502] x[Kiviaho Allan] z[KivA-552sd] r[LavJ-54R]
s[Re: Interlingua - Romanica artificialisate?]

[log in to unmask]
[log in to unmask]

--------------------------------------
Lavin Josu 050428:
INTERLINGUA = ROMANICA ARTIFICIALISATE
ROMANICA = INTERLINGUA NATURALISATE
--------------------------------------

Estimate Senior Presidente,

Tu diligentia con interlingua es laudabile.

Sed il esserea preferabile que tu non connecterea
interlingua e romanica in le sitos de interlingua.

Interlingua e romanica son plus adversarios quam
alliatos. Quando le movimento pro interlingua face
propaganda pro interlingua como lingua commun in
Europa, mentionar romanica es redundante e
disturbante.

::::::::::::::::
Proque romanica?
::::::::::::::::

Io suppone que tu motivo de romanica es:

In communication intra-espaniol (in le Republica de
Espania) tu non vole usar castiliano.

Me il es multissimo improbabile que le hidalgos
castilianos accepterea parlar romanica con bascos,
catalanos etc.

Sed le castilianos forsan poterea acceptar un tal
lingua que pote ager como ponte con omne nationes
europee.

- - - - - - - - - - - - - - - - - - - - - - - - - - - -
Habente interlingua e romanica in uso e.g. in Espania
pro communication inter le bascos e castilianos esserea
redundante. Proque usar un lingua in communication
inter le bascos e castilianos e un altere lingua - que
es multo similar, sed totevia differente - in
communication inter le bascos (e castilianos) e
germanos, hungaros, latvianos, si, mesmo finnos?
- - - - - - - - - - - - - - - - - - - - - - - - - - - -

Expressiones como "INTERLINGUA = ROMANICA
ARTIFICIALISATE" pote esser damnose a interlingua.

Io suggere que tu non plus scribe de romanica in
connexion con interlingua. Il esserea preferabile que
tu usar altere foros, foros non-interlinguan, pro
facer propaganda pro romanica.

Ancora melio esserea si tu te concentrarea solmente
pro interlingua!

Amicalmente

Allan Kiviaho
(Ancora un presidente)

:::::::::::::::::::::::::::::::::::::::::::::
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FI-01620 VANTAA. Finlandia
http://www.interlingua.fi
http://www.interlingua.fi/ceiafil/ceia.htm
http://www.interlingua.com/historia
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
:::::::::::::::::::::::::::::::::::::::::::::