Kjell Rehnstrom scribeva:

>In Svedia pro exemplo il es prohibite demandar del convictiones politic del
>cive.

Obviemente isto vale anque in Italia e, io pensa, ubicunque in Europa
occidental.
Io pensa sempre que, si nos habera le constantia de realisar iste Europa, nos
debera render nos conto que illo que on cerca in America, existe melior
hic, in
nostre vetule regiones.
Quando io senti parlar del Europa del Regiones como concepto de unitate
politic
que vade ultra le concepto de Statos europee, io proba un grande desiderio de
affirmation de iste idea.
In illo le europeos non haberea plus un accentuate distinction intra paises
grande e paises con limitate population. Le quantitate del population non
serea
plus un elemento assi distinctive. Illo que contarea serea le expression de un
individualitate local preciosissime, antique, persequite in le seculos con
grande orgolio.
E nos continua a facer le scrutinio del votos con le personas qui
representa in
omne section (station) electoral plus expressiones politic.
In alcun horas le scrutinio es facite e recontrolate un prime vice e le datos
conflue in sede national, assi sempre in alcun horas le resultatos es
definitive. Isto non impedi que le schedulas sia comocunque recontrolate un
secunde vice in le dies sequente. Obviemente maninibus, como dicer: solmente
pro le intervention manual del personas.
In futuro on potera dicer a un statounitese: de accordo, vos es le prime del
classe, ma vos sape que fin face le expression de vostre democratia? Le vostre
serea illo un democratia? E pro exprimer qual figura de homine, al fin.

Si, io pensa que in Europa nos ha le Americas!

Mario Malaguti