----------------
Montenegro latin
----------------

Usa Courier New 10, como sempre!

Kjell Rehnstrom 990514
  ... e que on per consequente usava le litteras latin
  al costa, ma in Montenegro on principalmente usava
  le cyrillic alfabeta.
Allan 5.7
  Al costa del Slovenia e Croatia litteras latin. Al
  COSTA de Montenegro alphabeto cyrillic pro que le
  montenegrinos parla serbo.

------------ o0o ------------

Car Kjell, un crnagoristo uppsaliensis!

Il appare que io ha me totalmente errate. Heri io
legeva que le alphabeto latin es multo popular in
Montenegro.

Le montenegrinos ha semper habite le reputation de
esser un nation de montanieros salvage e feroce, que
ama libertate super toto. Le turcos nunquam poteva
completemente "pacificar" Montenegro.

In 1985 quando io travaliava in Suissa, nos habeva un
vacation in Hvar, un insula croate, multo belle (un
insula meraviliose de lavandulas), le placia que mesmo
le imperatores roman favoriva como su residentia pro
vacationes hibernal. In le secunde medietate de nostre
vacation nos era un pauc disturbate proque in cata
nocte alicuno cantava ubique in le citate cantos multo
melancholic. Nostre tavernero diceva que ille era un
montenegrino qui plorava su mal de pais - como le
montenegrinos semper face ...

In 1983 nos jocava chacos in Beograd contra le
fortissime equipa del Crvena Zvezda (Stella Rubie). Su
numero uno, grandmaestro Ljubomir Ljubojevic, era le
tertie in le lista mundial de classification
(Nonobstante ille habeva un position perdite contra
nostre Timothy Binham, un citatano de Finlandia e
Grande Britannia, benque ille con su routine enorme
finalmente vinceva). Le equipa de Crvena Zvezda era
tal forte que probabilemente mesmo lor chauffeur era
plus forte chachisto quam le plus bon del nos.

Nostre hoste era un specialista ordinatorial de un
banca. Ille habeva travaliate anque in Francia. Le
prime vespere ille guidava nos tra un parco obscur al
un placio monumental, "Kalemegdan", le fortalessa
turc. In le parco nos audiva cantante terribile. Un
banda de viros, qui obviemente habeva bibite nimis
multe sljivovitza (brandy de pruna), cantava con
tono multo melancholic. Nos era un pauc anxie sed
nostre hoste diceva que "nema problema, illes son
solmente montenegrinos qui plura su mal de pais,
como illes semper face ...". Le montenegrinos era
tal discrete que illes cessava de cantar quando nos
passava. Il era totalmente obscure e nos nihil videva.
Io diceva (habente etiam bibite sljivovitza): "Zhivio
Montenegro!" (Que vive Montenegro!). "Crna Gora!",
respondeva un voce humile ex le obscuritate.

Paradoxicamente il appare que le montenegrinos son
multo plus human quam le serbos. In iste guerra
terribile in Kosova le montenegrinos ha acceptate
100 000 refugiatos albanese. Io crede que Montenegro
deveni in iste guerra independente - e accepta le
alphabeto latin.

Le Grande Guerra de Balkan 1912--13 comenciava con le
declaration de guerra de Montenegro, un pais de
250 000 habitantes, contra Turchia, un pais de
25 000 000 habitantes. Sed Turchia era tunc un debile
pais in grande crise. Le altere paises orthodoxe,
Bulgaria, Serbia e Grecia, hastava al adjuta e illos
poteva mobilisar un fortia militar que clarmente
excedeva lo de Turchia. Montenegro, ubi cata viro era
un soldato, poteva mobilisar 5 divisiones, benque
parve.

Iste guerra era bastante grande. Le armeas de paises
belligerente insimul consisteva ca. un million
soldatos. Turchia perdeva quasi omne su possessiones
in Europa; Albania, Kosova, Macedonia, Thracia.
Bulgaria, que era le plus potente del alliatos
orthodoxe, essayava a jectar Turchia totalmente ex
Europa, sed le turcos poteva formar un linea
inpenetrabile al Czataldzha ante portas de Istanbul.
Le Prime Guerra de Balkan finiva al capitulation de
fortalessa de Edirne (Adrianopel).

Subinde se erumpeva Le Secunde Guerra de Balkan, ubi
Bulgaria luctava contra Turchia, Serbia, Grecia e
Romania, que era un nove participante de iste guerra.
Contra Romania le bulgaros poteva disponer solmente
su ultime reserve de viros de ca. 60 annos e le armea
romanian avantiava al portas de Sofia. Mesmo le armea
turc attaccava e occupava de retro un parte de
Thracia, Edirne includente. Bulgaria perdeva Romania
Dobrudzha sed le battalia principal era luctate contra
le armeas de Serbia e Bulgaria e les de Grecia e
Bulgaria. Le superioritate del inimicos de Bulgaria
era fracassante. Bulgaria deveniva multo acre e in
le Prime Guerra Mundial illo participava como alliato
de Germania e Austria-Hungaria, contra Serbia e
Romania.

Como dicite, le alphabetos (cyrillic e latin) non son
le causa de parve differentias inter serbo e croato,
le characteres latin ja cyrillic in Serbia e Croatia
multo ben corresponde le un le altere.

Illes ha un peculiar character "latin" pro dzh:

            |
            |
 _       ___|
| \     |   |
-  |    -   |
|_/     |___|


Hasta le victoria de interlingua sempre!

Allan