d[000804] x[Allan Kiviaho] KivA-084
s[Scriptura, stilo e technica. Coollist]
[log in to unmask]
Car Mario e omne altere interlinguanistas, includente
le iguano e fakir Cellus Uppsaliensis!
Mi responsa a Mario veni tardo proque io ha essite a
vacantias, i.a. un septimana multo agradabile al 7me
Incontro Nordic de Interlingua a Åsa/Löftadalen e
alterubi in Svedia. Hjärtliga hälsningar till alla
löftisar!
------------------------------------------------------
Allan Kiviaho 000716:
Pro le incompatibilitates infamose inter le varie
systemas e programmas io suggere:
1. Semper usa ASCII e fontes Courier 10 o Courier New
10 e largor fixte ("fixed width")
2. Semper fini le lineas con un dur linea nove ("hard
line feed", "hard new line") - i.e. pressa <Enter>
in loco de lassante programmas facer lo automatica-
mente.
------------------------------------------------------
----------------------------------------------------------------------
Mario Malaguti 000719:
1. Perque usar un fonte de characteres si iste lista non lo pone in
evidentia? Io es de accordo re le uso de ASCII in le invio de messages
in general, per exemplo, a listas de vetule typo. Ma in iste caso uno
sape qui es le destinatario. Nos parla del lista Interlng in le qual
si io proba le characteres con accento italian: ā, č, é, ė, ō, ų, que
Mario! Io ha convertite iste characteres
con mi proprie programmas e macros semi-
automatic. In mi computator iste
characteres appare correcte. Como es il
in tu computator? E le altere interlin-
guanistas?
Allan Kiviaho 000804
succedera? Io crede que le fonte ASCII deberea non influer sempre e
pro tote le contributeres de iste lista. Io crede que le systema de
scriber a', e', e', i', o', u', nonobstante le imprecision pro le duo
accentos del vocal "e", sia ancora le methodo melior, in general.
Le uso de un message a destinatarios de omne parte del mundo, comporta
ancora iste limitationes.
----------------------------------------------------------------------
------------------------------------------------------
Allan 000804: Mario! Pro me il non importa qual fontes
qualcuno usa proque io ha un complicate systema pro
conversiones. Sed on ha le minus problemas si on
consequentemente usa fontes ASCII e largor fixte.
Nota, per favor, que le suggestion pro usar ASCII
veniva ab Jay Bowks.
------------------------------------------------------
------------------------------------------------------
Bent Andersen 000714:
Car Jay. Si, si, io vide omnes correctemente. Es omne
le differente characteres special, que on rarmente
usa, ma que on nonobstante desira POTER usar.
Bent
------------------------------------------------------
Jay Bowks 000714:
Si omne pote vider le characteres special in ascii ma
non in HTML io es felice que illo travalia bastante
ben. Nos pote usar le ascii si nos vole e si on vole
usar HTML forsan illo essera possibile in le futuro,
ma pro nunc nos ha un solution, le ascii sin altere
"imbelliamentos".
Multe Gratias,
Jay B.
------------------------------------------------------
Mario 000719:
2. Io usa le word processing ab su initio, inter le prime in mi
citate.
Allan 000804:
Io ha usate systemas pro processar de textos desde
le ultime annos del 1970ies, un systema ingeniose de
Wang. In 1983--5, quando io travaliava in Helvetia,
io usava le predecessor de WordPerfect (SSI =
Satellite Systems Incorporated) in le minicomputator
de Data General con AOS - Advanced Operation System
(UNIX, de facto) como le systema de operation. Io
usava un version finnese con nomine "SSJ" -
Suomalainen SanojenkäsittelyJärjestelmä ("Un systema
pro processar parolas finlandese"). Illo costava
5400 euros (4900 dollares SU) e le compania finlande-
se se offereva a inseniar nos in uso del programma
con 1700 euros (1500 dollares SU) per die plus le
costos pro le volos ab Finlandia e retro, le costos
pro le hotel etc. Io respondeva "No, gratias" e le
compania inviava a nos un manual miserabilissime,
un impression de computator, duo columnas mancante
al dextra etc.
Sed io non usa programmas a processar de textos
in messages de ePosta proque le compatibilitate
inter le programmas a processar de textos e illos de
ePosta es mal.
Mario 000719:
Ni on debe usar le tracto de union, como dicer scriber con un tracto
de union (hyphen, to hyphenate) como pare al contrario que Allan face.
Allan 000804:
Io quasi nunquam usa le tractos de union in messages
de ePosta. Un ration pro isto es que io archiva le
messages in le base de datas askSam.
Mario 000719:
Il es exactemente como reprender un texto ab un message per Allan. On
debe eliminar tote le originari CR e su tractos de union.
Allan 000804:
Mario, PROQUE debe tu "eliminar tote le originari
CR" ab mi messages? CR es un le poc characteres de
controlo in programmas pro tractar de textos que es
compatibile inter quasi omne programmas del ePosta.
Io ha nunquam vidite un editator o processator de
textos que demonstra le characteres del controlo
CR a schermo o a papiro.
Altere iguanos: An le CR'es de mi messages son
visibile a vostre schermos?
Mario 000719:
Un usator de word processing sape ab sempre que le enter o CR pro
initiar un nove paragrapho ab le initio del latere sinistre, es un
decision precise e non arbitrari.
Allan 000804:
Car Mario, tu "decisiones precise" son sovente
monstrose al schermo de mi computator sed illo non
importa proque io processa le messages per un
serie del programmas e macros.
Mario 000719:
Le suggestion per Allan de usar le enter o CR con intention al fin de
un linea, pro me es vermente un suggestion original, anque si io
comprende que Allan se refere al texto de un email.
Allan 000804:
Alicun amicos iguanos, p.ex. Jay, ha scribite que
mi messages son exceptionalmente ben legibile (Como
le messages de Jay).
Si alicun alteres ha altere experientias con mi
messages, io esserea grate pro commentarios.
Salutante
Allan
|
