Car amicos,
In accordantia con le recommendationes del Conferentia in
Focsani, le sitos in Interlingua es nunc renovate, uno post le
altere.  Le presidente de Societate Svedese pro Interlingua,
Jan Armann, ha hodie finite le renovation total de su sito
<http://www.algonet.se/~armann>

Illo contine information general in I-a e intormation in plure linguas
national, ligamnes al sitos del organisationes national e natural-
mente al sito official de UMI e a Panorama.

Le previe sito de Armann esseva in le primavera passate
laudate in le magazin Internet World , que dava a illo
le nota septe de dece possibile.  Le nove es ancora melior!

Nove sectiones essera addite, per exemplo un lista de dictionarios
e altere material didactic accessibile per le Internet.
Pro isto, visita lo regularmente.

Tosto essera ibi publicate tamben un lista de libros, magazines
e brochures in multe linguas e projectos auxiliar que essera
vendite al profito del Fundo pro Europa Oriental.   Illo contine
raritates como revistas de Esperanto del comenciamento del
seculo (mesmo del dece-none), de Ido, de Mundilinguo/Mundilingua
de Lavagnini, Neo, Unilingua, Unial de Molenaar, Neolatino
de André Schild (!), Auxilia, Mondial, letteras de certes del
autores etc.   Multissime numeros de Cosmoglotta!
Le collection es un dono de Sr. Gunnar Ljusterdal, ben-cognite
redactor de un revista satiric in Svedia.

Salutes amical,
Ingvar

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com>
ICQ UIN nr. 26993308