[ Kjell ]
io es como altere participantes de iste pagina plen de admiration a ille
personas qui pote si facilmente crear un pagina domestic. Un problema es
etiam que on debe dar un contento al sito. Il non pote sufficer que on
scribe pro exemplo: Io es Kjell Rehnström e io me interessa in le mundo de
J.R.R. Tolkien, esque il ha altere "out there" qui partage mi interesse?

[ frank ]
Kjell pone le question essential.  Proque haber un "pagina domestic"/"sito
de rete"/"exhibit-tela"?  Le responsa es simple: on vole exhiber su proprie
information al mundo.  Qual sorta de cosas nos vide exhibite in le tela?
Productos e informationes de servicio ponite per interprisas pro ganiar
moneta.  Information super hobbys, super artes, super scientias ponite per
scholas, organizationes e individuos pro divulgar interesses, beltates, e
factos.  Opiniones e punctos de vista ponite per personas pro exprimer e
propagar lor "veritates" favorite.

Le questiones technic COMO construer un exhibit-tela son le questiones plus
simple.  Plus difficile es seliger qual de nostre "facies" nos vole
exponer, e como crear e organizar le contento a in un exposition effective.
Finalmente, quando nos ha complete nostre exhibit-tela, como nos debe
annunciar lo e stimular le mundo a venir e vider nostre bel creation?

-- frank