Car Josu, et alii,

Io vole adder mi experientias como quasi estraniero in
le mundo de Interlingua.  Io es primarimente un
esperantista, sed io lege le messages de Interlng (*)
e me gusta [=il es por me agradabile] de tempore
a tempore provar a scriber o parlar in Interlingua.

(*) Anque in le lista Babel il ha multes qui scribe in
Interlingua : http://groups.google.com/group/bablo

Josu Lavin ha scribite:
> In iste CD appare le IED como alicun parve
> correctiones e additiones del senior Stan Mulaik.

Anque io ha un CD de Stan Mulaik - "Interlingua CD
Preparate per Stanley Mulaik PhD 09-22-02".  Ille
me invia gratuite su lettera de novas "Confluentes"
tam-ben. A un latere, io es multo grate pro le
generositate de Stan, e io me senta que io debe
restar gratiose a ille, sed al altere latere, su
actiones crea por me in le parte le plus grande
solo confusion.

A causa de isto, io e.g. in grande parte io non lege
le lettera de novas "Confluentes", mesmo si le
articulas pare multo interessante.  Io non vole
apprender Mulaikese, sed Interlingua vere - qualcunque
isto es.

In mi CD ab Stan, il non ha un "LEGE-ME" por clarificar
que le IED contine "parve correctiones", sed le
correctiones e additiones son ibi - totalmente sin
indicationes si un parola es in le obra original
o es un addition.  Fortunalmente, io ha un libro de
IED de 1951 - ergo in occasion de dubita, io poterea
controller in mi IED libric, sed como io poterea
saver si un occasion es un occasion de dubita?

Io crede que io debe acquirer un nove IED electronic,
o in ulle maniera rediger le dictionario Anglese-Mulaikese.

Esque il ha una lista de parolas Mulaikese, le quales
non sta in IED.  Similarmente, esque il ha una lista
breve de parolas commun ex le lingua de Panorama, le
qualles non sta in IED?

> Le senior Stan Mulaik vole apparer como un scientifico.
>
> Su spirito scientific es multo dubitose:

Il es quasi ille usa la vorto "scientific" como un
baston por colpar su inimicos in teste.


Ante alicun annos, io ha apprendite Interlingua per le
leciones de Harleigh Kyson.  Post alicun veces, io
ha constata que anque ille insenia su propre version
de Interlingua, que non se accorda con IG.  Le
attitude de do-it-yourself de iste sorta es presque
inexcusabile in le cursas e materiales basic de un
lingua, e ha contribuite a mi apathia a Interlingua
e in plus al interlinguanos.

Non omne es mal.  In mi pais (SUA), io pote gaudiar me
pro le adjuto affabile de Paul LeCorde, qui ha me
inseniate in un curso per Internet (infelicemente,
nos non ha finite nostre labor), e pro le amicitate
de Jay "Le Mandibula" Bowks, qui ha me visitate ante
circa 5 annos.  In plus, io vole "carpe diem" por
dicer, que Ingvar Stenstrom pare multo affabile e
multo interessante in iste lista Interlng.  Io regreta
que io non va poter incontrar le vis-a-vis, id est
facie-a-facie.

Amike salutas,
Thomas/Tomaso ALEXANDER.
www.NightinGael.Net
---Anything below this line is not from Thomas ---

--
Archivos e disabonar: http://listserv.icors.org/archives/INTERLNG.html