ASTRONOMIA

Discoperte le decime planeta del systema solar.
Le novembre passate le objecto ha essite individuate ab le Hawaii

        Augmenta a dece le numero del planetas de nostre systema solar. A su
frontiera ha site de facto individuate un grande asteroide baptisate
"Varuna", per le nomine del divinitate del cosmo in le mythologia hindu.
Dunque isto poterea esser considerate le decime planeta secundo un studio
american publicate per "Nature"
       "Varuna" habeva site observate le novembre passate per un gruppo de
recercatores del Instituto de astronomia de Honolulu, in Hawaii, coordinate
per David Jewitt, qui laborava jam in Arizona al projecto "Spacewatch". Iste
recerca debeva surveliar le banda del asteroides, individuante le eventual
meteorites cuje cadita poterea menaciar le terra .
    De forma circular, "Varuna" ha un diametro de 900 km, poco minus de
1.200 km de *Charon/(it) Caronte, le unic satellite de Pluton, usque nunc
considerate le plus remote del novem planetas cognite del systema solar.
Usque 1992 Pluton e Charon/(it) Caronte era le sol duo grande corpore
celestial cuje on haberea cognoscentia  in le banda de Kuiper, un
concentration de asteroides remontante a milliardos de annos retro.
    In le annos successive, gratias a plus potente telescopios, ha essite
individuate altere 4.000 corpores, sed, secundo le valutationes del
astronomos, il serea centenas de millenas le corpores celestial con diametro
de circum 100 km e mesmo milliardos illos plus parve. Le major parte de iste
objectos serea obscur ab le momento que le lumine del sol non succede a
attinger los. Sed "Varuna" representa un exception, habente un superficie
relativemente luminose.

* (it) Caronte, (fr) Charon, (es) Caronte, (pt) ?, (en) Charon/ Caron (?),
(ia) ? . Qual es le exacte parola in interlingua?

Luca Ghitti
Via Rivadossa, 9/a
25042 Borno (BS)
Italia
[log in to unmask]