Ivan C Mourão scribe que il manca feminas in nostre circulos. De accordo,
sed illas venira con le tempore. Le plus de personas qui se incontra facie
a facie, le plus il habera de feminas in le movimento interlingua.
Naturalmente nostre movimento functiona differentemente in varie paises. Io
pote parlar solmente de Scandinavia o plus tosto in re Svedia, e nos ha
alcun membros svedese feminas sed non multe.

Pro mi pais io dicerea, le plus le humanos se incontra plus in plus, le
plus de feminas il habera.

Il es un facto ben sociologicamente verificate que le feminas supporta le
vita cultural in iste pais. Plus de feminas va al theatro, le feminas lege
le litteratura.

Ante alcun annos io era ingagiate in le traduction de alcun libros de
fantastica al svedese (del russo) e io assistava a un convention de fiction
scientia in Stockholm. Ibi il habeva plure feminas, qui habeva viagiate ibi
pro gustar le litteratura. Un habeva venite ab le sud de Svedia e illa
habeva legite plure, si non tote le traductiones que io habeva facite.

Sed retornante al mangiar, nos discuteva multe plattos ante alcun tempore e
alcunos del lista publicava interessante receptos (instructiones de cocer).



[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35