Salute!
Iste littera ha essite inviate (in anglese) al Parlamento italian per
Richard Stallman, le "propheta" del software libere e fundator del
Projecto GNU.
Giovanni Nappi e io ha traducite iste littera, que Stallman ha inviate
pro facer comprender al parlamentarios que le introduction in Europa del
brevettos del software es absolutemente a evitar. Ma le
megacorporationes del software los vole insistentemente, e io time que
illos vincera.
Iste littera es bastante clar, e explica ben le problema etiam a
non-technicos.
===============================
Epistola de Richard Stallman al parlamentarios italian
Car membro del parlamento italian,
le disveloppatores e le usatores de software in Europa se trovara de
fronte a un grande periculo si le UE permittera le brevettabilitate del
technicas de software: le periculo de esser incriminate a causa del
ideas contenite in le software que illes disveloppa e usa.
A differentia de un copyright, que protege le detalios de un programma
integre mais non le ideas, un brevetto software es un monopolio legal
sur le uso de un technica general. Un programma complexe combina milles
de iste technicas. In un pais que permitte de brevettar cata un de iste
technicas, un programma complexe pote infringer millenas de brevettos in
un sol vice. (Linux, le nucleo usate con le systemas operative GNU,
infringerea 283 differente brevettos del Statos Unite in accordo con un
studio realisate le anno passate.)
Como es iste technicas? Que nos considera le “barra progressive”, que se
plena gradualmente de 0% a 100% pro monstrar le progresso de un
programma in facer un certe incargo. Iste technica es un micre parte de
millenas de programmas que face multe labores differente. Illo es mesmo
brevettate, in accordo con le Bureau del Brevettos Europee – un del
50000 brevettos europee que illo ha illegalmente emisse, defiante le
tractato que lo creava. Si le Directiva del Union Europee da validitate
legal a iste brevettos, le disveloppatores e le usatores de iste milles
de programmas poterea esser menaciate de incriminationes.
Un programma es como un romance: un grande collection de detalios que
insimul implementa multe ideas. Que vos imagina si tote ideas litterari
pote esser brevettate – pro exemplo, “Un scena de amor con un femina sur
un balcon” o “le oculos blau de un persona resimila le mar”. Alicuno que
scribe un romance poterea infringer dozenas o centenas de brevettos; con
iste preoccupation, scriber un romance sin riscar de esser processate
resultarea plus difficile que scriber un bon romance. Isto non es le
maniera de promover le scriber – ni romances, e ni software.
Le pressiones pro le brevettabilitate del software veni principalmente
del megacorporationes del informatica. Illes vole le brevettabiltiate
del software perque illes ha millenas de brevettos in le Statos Unite, e
vole importar los in Europa. Si Europa permitte le brevettabilitate del
software, le megacorporationes (que es principalmente estranier) va
haber un intrumento de controlo super le uso del software in Europa. Le
major parte del politicos nunquam ha disveloppate programmas, assi illes
pote creder al false mythos super le efficacia del brevettos software.
Per exemplo le mytho que un brevetto coperi le integre designo de un
producto; si on dice que un programmator poteva obtenir un brevetto pro
“proteger su programma”, alora iste mytho poterea valer.
Postea, il ha le mytho que le brevettos pote “proteger” un “parve
inventor” del competition con le megacorporationes. Si isto esseva ver,
le megacorporationes non esserea favorabile al brevettabilitate del
software. Omne megacorporation usa su millenas de brevettos pro facer
in maniera que le alteres excambia lor brevettos. Typicamente, le
programma create per le parve inventor combinarea su pauc brevettos de
ideas nove con centenas (o millenas) de ideas ben cognite, jam
brevettate per IBM, Microsoft, etc. Le megacorporationes le fortiarea a
excambiar licentias con illos; postea illos competera con ille, como si
il non habeva alicun brevetto.
In ultra, il ha le mytho que le companias del SUA ha un avantage,
durante que le SUA ha le brevettos del software e Europa non los ha. Si
isto esseva ver, le companias e le governamento del Statos Unite non
esserea si tanto pressante con Europa pro le brevettabilitate del
software. Le veritate es le opposite: Europa ha le avantage.
Le brevettos american ha effecto solmente in le SUA, ma quicunque pote
obtenir un brevetto SUA. Le companias europee pote haber e ha brevettos
software in le SUA, e attacca le disveloppatores american. Ma al
momento, le americanos non pote obtenir brevettos in Europa e attaccar
europeos. Si longe que Europa refusa le brevettabilitate del software,
Europa habera iste avantage.
Si Europa mantine su avantage, refusante le brevettabilitate del
software, finalmente mi nation debera competer e cambiar su folle
politica. Per favor, adjuta a salvar le SUA del brevettos del software,
per salvar ante toto vos ipse.
===============================
--
Saluti,
Mardy
http://interlingua.altervista.org
======================================================
Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:
http://www.interlingua.com/
======================================================
|
