Car Amicas e Amicos,

heri in Veneto nos votava pro le election directe del Presidente del Region
e pro le election del parlamento regional.
Isto eveniva in dece-cinque regiones italian a statuto ordinari, respecto a
venti regiones que illos es. Cinque es a statuto special.
Il era le prime vice que nos votava pro eliger directemente le Presidente.
Le electores ha premiate le coalition de centro dextera, illo que es al
opposition in le governamento national.

Inter le programma de Forza Italia, le partito que ha obtenite le plus
large consensos de votos in tote le regiones, inter alteres on proponeva le
organisation del instruction public a base regional, e non plus a base
national, con le introduction massive del lingua anglese.

Io sapeva que un die io debeva apprender iste anglese, anque si io lo evita
de plus de quaranta annos.

Pro iste programma e illos europee nos debera esser quadrilinguistas:
dialecto local e italiano, anglese e un altere lingua europee.
Usque a quando vivera le dialectos, que in Italia es in reprisa ubicunque,
nos salveguardara nostre nationalitates italian e securmente nostre
traditiones.
Isto non es le refusa del globalisation, isto es le proposition del
"localisation", concepto que equivale al globalisation, ma que al potentia
economic privilegia le cultura local, le ver ricchessa del Europa e del mundo.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
----------------------------------------------------------------------------
al pagina: http://www.i-gi.com/index.html on pote subscriber le mailing
list [log in to unmask], on deve selectionar Mailing list in
Interlingua, scriber le proprie adresse de e-mail e postea cliccar le Join
List button.
----------------------------------------------------------------------------