Commentario al message de Stan Mulaik. Iste message es un
poco plus longe que le normales in iste lista, ma io me
permitteva de exprimer me liberemente sin pensar troppo al
spacio. Excusa me! Paolo.
>Kjell,
> Con respecto al rolo del ecclesia in le vita quotidien
in Svedia e le
>Statos Unite, il pare que, paradoxicamente, quando le stato
lo financia,
>illo occide le fide.
Io es pastor in un ecclesia evangelic reformate in Suissa,
un ecclesia establite e recognoscite per le Stato insimul al
Ecclesia catholic roman. Nostre ecclesia es financiate per
le medio del impostos que le Canton require. Un procento de
ille impostos vade al ecclesias pro lor expensas. Nemo es
tamen obligate a pagar impostos ecclesiastic. Illes qui
declara de pertiner a un ecclesia, accepta que le Stato
confere a su ecclesia un parte de illos. On pote declarar de
esser "sin ecclesia" o de provider iste pagamento in altere
maniera, e iste persona non debe pagar. Multe personas,
tamen, (le majoritate) mesmo si illes non es credente o non
participa al vita del ecclesia, decide de pagar lor impostos
le mesmo, o per conformismo social o proque illes reputa que
le ecclesia face "bon obras social" que merita de esser
supportate. Isto non me pare tamen satisfactori, proque in
realitate le credentes fidel al fundamentos del fide e al
activitates del ecclesia es semper un minoritate. On non
pote confider se del supporto practic (extra le financias)
del membros "virtual" o formal. Ergo, Stan Mulaik pote haber
ration quando ille dice que "le stato occide le fide". Un
estranie lege de nostre Canton dice que "tote le habitantes
de nostre region es considerate automaticamente membros del
ecclesia reformate, al qual le Stato delega le servicio
religiose, *a minus que* le citatano declara alteremente.
Isto me pare absurde. Io prefere le systema american: le
Stato non se occupa de ecclesias e cata uno qui lo desidera
pote supportar le ecclesia que ille vole, e prender se le
responsabilitate de contribuer a su existentia e activitates
privatemente. Lo que "occide le fide", tamen, es le
traditionalismo: personas qui desira pertiner a un ecclesia
solmente pro tradition familiar, sin vermente creder e
contribuer al activitates de ille ecclesia. Plus que
"occider le fide" (le fide non mori), isto "occide le
ecclesias" e frustra los.
>Le ecclesias in le Statos Unite es multo influential
>in le vitas del populo. (...omissis...) Le ecclesia
>io describeva, Le Secunde Ecclesia Baptista de Ponce de
Leon (strata),
>es del Baptistas. Illos es multo "conservative", e quasi
literal in lor
>theologia, que non es pro me un major problema, in tanto
que illes non
>essaya a determina le responsas a questiones scientific per
un literal
>interpretation del Biblia (que infortunatemente, multe
Baptistas lo face).
>Io es multo anxie per le attitudines "negative" infra le
Baptistas. Illes
>pare multo preoccupate per prohiber isto o ille
comportamento, e sovente
>es inclinate a interferer in le vitas de alteres per
appoiar le passage de
>leges contra tal comportamento (p.e. le homosexualitate,
pornographia,
>le biber de biberages alcoholic, etc. etc.).
Le fide historic del ecclesias christian semper declarava
que "le Biblia es le Parola de Deo inerrante e infallibile,
regula unic de nostre fide e de nostre conducta": isto non
es un novitate... Le influentia ideologic de philosophias
rationalistic e humanistic colpava fortemente multe
ecclesias historic e pulsava multe theologos a dicer
alteremente (e causante assi le degeneration, non le
progresso, le alienation del ecclesias). Io crede que Deo
(le Deo de Abraham, de Isaac, de Jacob, e de Jesus) es le
Deo Creator e Sustentor del universo. Ille dava al universo
precise regulas (leges) que guaranti le functionamento
harmoniose de toto. Iste regulas esseva revelate clarmente
in le Biblia. On pote non esser de accordo con illos, ma
iste leges es absolute e on non pote evitar de pagar le
consequentias (sovente multo dolorose) de lor infraction,
jam in iste vita. Le multe males que nos omnes suffre sur
iste terra es simplemente le consequentia del facto que nos
decide de "non functionar" secundo iste regulas e reputa que
nos pote decider lo que es juste e lo que es injuste con
criterios arbitrari o (apparentemente) utilitaristic.
>Nonobstante, io esseva
>impressionate quando al intermission in le spectaculo, un
pastor
>appareva a benvenita le audientia, e ille diceva que le
pastor regular
>non poteva apparer a iste tempore proque ille necessita le
cura de su
>filio malade, durante que su sposa face alcun altere cosa).
"Io es un
>membro del personal pastoral del ecclesia," ille diceva. E
io esseva
>impressionate per su bon maniera de parlar--melior que le
pastor regular--
>e alora le cryptic remarca, que ille emphase lo que es
positive in
>contrasto con alteres qui emphase le negative e le
prohibitiones. Hmmm...
>Possibilemente le Baptistas pote esser salvate de lor
tendentias idolatrose
>(tractante lo que es concrete como le preoccupation ultime,
p.e. le
>literalismo), io diceva a me. Le pastor regular appareva
al fin del
>spectaculo.
Spectaculo? Que es isto? Forsan le servicio divin del
dominica que le Parola de Deo require de nos? Alicun vices
illo pote degenerar in spectaculo, ma illo non debe esser
assi. Al centro del servicio divin biblic es le predication
del Parola de Deo.
Idolatria? Io non reputa idolatria considerar le Biblia pro
lo que illo dice de se mesme esser. Le Biblia es un forte
message anti-idolatric. Illo proclama un sol Senior, Deo, e
illo esseva un fortia de opposition contra dictatores de
omne sorta. Idolatria hodie es adorar le ration human como
le unic criterio pro establir le valor de qualcosa. Nostre
ration es un bon dono de Deo, ma le Biblia assere que mesmo
le ration esseva corrumpite per le peccato, e ergo le ration
human non regenerate es completemente cec super le realitate
de Deo. ...como un ceco que vole demonstrar que le lumine
non existe!
>Le ecclesia de mi filio parve (fil. parv. e non fil. mag.)
es le ecclesia
>de su sposa, Le Assemblea de Deo. Iste ecclesia es
socialmente parlante,
>de basse medie classe, anque fundamentalista, como le
Baptistas, mais lor
>attitudine es differente, toto "positive". Quando nostre
granfilia esseva
>baptizate e presentate al ecclesia, como le granparentes,
nos appareva
>pro participar in le servicio. Le servicio es multo
informal. De facto
>io non esseva exactemente secur quando le servicio
commenciava. Io
>rememora le pastor e su sposa al fronte del congregation
parlante con le
>varie membros in le fronte rango de sedes, alora le pastor
faceva un passo
>retro e diceva, "Amicos, sia que nos commencia?" E le
musica commenciava.
>Le emphase del sermon esseva super como Deo va adjutar vos
in vostre vita.
>E membros del congregation esseva invitate a venir al
fronte pro reciper
>le ama e appoio de alteres durante crises in lor vitas e a
describer lor
>problemas. Tosto tote le congregation esseva involvite in
le servicio,
>parlante approbation, appoio. E le cantos esseva cantate
con enthusiasmo.
>I audiva necun parolas de prohibition; il habeva solmente
le pardona de
>Deo. Io a me pensava, ben que literal e pro isto in
periculo del
>idolatria (per adorar le concrete e finite), illes esseva
salvate per le
>spirito e amor de Deo, que pervade tote cosas.
>
Io reputa que facer servir le religion pro le utilitate del
homines es un corruption del christianismo. Deo non es a mi
servicio, non mesmo al servicio de mi sanitate! Io es un
creatura in toto dependente de Deo e *io* debe servir le
gloria e le honor de Deo. Isto es le summa del message
christian reformate secundo le Parola de Deo. Isto es lo que
io crede e predica per omne medios!
Paolo Castellina
CH-7604 Borgonovo (Switzerland)
Tel. (++41,81)8221145
[log in to unmask]
[log in to unmask]
------------------------
La fede evangelica riformata classica vivente
http://www.poboxes.com/pcastellina
-------------------------
La lingua internazionale neutrale dei linguisti
http://www.interlingua.com
|
