Quando le fame augmenta in le Corno de Africa le
governo de Ethiopia non ha possibilitate dar cibo
(mangiar, nutrimento) al population. Le causa es
que le Programma Agricultural del Nationes Unite,
Le Adjuta del Statos Unite e minus in iste caso,
le Union Europee ha prestate cereales del stocks
del governo ethiopian   s e d  n o n  r e d o n a
t e  l o  q u e  o n  h a  p r e s t a t e !  Et
nunc on vole startar  a d j u t a  de novo. Forsan
bastarea que le grande organisationes redonava lor
debitos!

On se sin dubita demanda si tote le adjuteria es
un grande fraude, como le infantes de patrino.
Assi, un organisation dice que tu pote pagar 20
dollares pro adjutar Onesimus in Tanzania ir al
schola. E on invia un photo de Onesimus, un
ridende, multo sympathic puero que tu quasi
desirarea esser tu proprie filio. Il nunc es multo
possibile que si tu va a Tanzania e vole dar le le
moneta manualmente, assi dicer, il pote monstrar
que "guai, iste humano non existe, sed nos ha un
ministro qui distribue le moneta....." et si, nos
sape multo ben como ministros distribue le moneta.
(Pardona, eventual ministros subscribentes de iste
lista, naturalmente ego non pensa de vos).

In un pais un ministro, cuje nomine ego non ben
memora, sed que nos pote interlinguisar como
Annetta Resiste-Montania era primo membro del
governamento de un pais. Postea ille atterrava in
le directorato de un interprisa que voleva
constuer un lacteria in un pais visin. On habeva
intendite apprender como biber lacte in ille pais.
Nunc il se monstrava que le lacte que le vicinos
produceva non era de sufficiente qualitate, et on
debeva importar lacte de ancora un altere pais
vicin!

Nulle problema, dice le astute lector. Mercato es
mercato et lassa le interprisas laborar como illos
vole! Si, si. Solo in iste caso il se tracta de
moneta le qual le populo paga-taxas habeva fornite
le governamento del pais. Primo le ministro sede
in le governo como ministro de agricultura, postea
le mesme, nunc ex-ministro side in le directorato
de un interprisa que usa moneta del mesme
assignamentos. Solo necuno sape ubi nunc es le
moneta. Naturalmente ego accusa necuno, viste que
ego non sape a qui diriger le accusation!

Si le mundo habeva interlingua nos poteva inter
nos discoperir tal cosas multo plus rapide- e
effectivemente. Le lectura del libro de Paul van
Buitenen "Strijd voor Europa" es ancora legende.
Illo existe in traductiones ad anglese, germano et
finnese, sed non ad svedese. Le scribito (in
analogia con emigrato :-) qui sempre senti odor de
conspirationes naturalmente suspecta que "on" in
Svedia non vole augmentar le generalmente forte
anti-UE-itate in mi pais.

Le medios sempre crede que il es le regnouniteses
qui es le plus forte contestatores contra le
union. Isto certo es proque le observatores
"international" non comprende svedese. Si le
opposition in Grande Britannia es forte illo es
compacte in Svedia.

Forsan isto es lo que on in America appella
infotinemento!

Le tempore que il face: Le prognosticos habeva
devinite pluvia! E que habe nos? Sol et celo blau
(blue) e rationabile temperaturas: + 0,1 grado C!

Nos va verso le estate como omnes pote comprender.

Amicalmente

Cellus Purrivius