Le principios pro formar un lingua auxiliar secundo principios prototypic es
simple.

1) Selectionar un gruppo de 4 o plus linguas con un serie de linguas ancestral terminante se in un
   commun ancestre.
2) Le eligibilitate de un parola a entrar le vocabulario es que al minus tres del linguas fontal contine variantes del parola, con le mesme sensos or significationes.

3) Le forma del parola in le vocabulario es le prototypo le plus immediate commun a tote le variantes moderne.
   Le prototypo es le forma theoretic o documentate le plus immediate commun a tote le variantes, con le proviso que le forma non debe esser determinate per un characteristica trovate in un sol lingua fontal, con
le exception quando il ha solmente tres variantes pro constatar le parola.

Iste methodo require alcun cognoscimento del philologia e linguistica del gruppo del linguas.

4) Il es importante a standardizar formas de affixos secundo lor prototypos commun a tote parolas in que illos es trovate.

5) Technica supplementari possibilemente va esser necesse quando il non ha tres variantes pro un forma.

6) Le emphase del analyse debe basar se super familias derivational de parolas, que require le uso de un
   serie de affixos standardizate e prototypic.  Le parola individual non es sufficiente, quando illo
contine affixos e radices trovate in multe parolas.

Stan Mulaik


--
Pro leger le archivos e pro modificar o cancellar le subscription:
http://listserv.icors.org/archives/interlng.html