Gratias a omnes qui ha respondite a mi questiones.
A proposito, le lista de "1000 parolas basic", que Thomas mentiona, es un
traduction del vocabulario del lingua auxiliar "Basic English" per Charles
Kay Ogden, nonne?
(Forsan un facto evidente pro le membros plus docte que me in re themas
linguistic - personalmente io non comprendeva isto ante alcun dies(?).) :)
("until a few days ago"?)
Lars
----- Original Message -----
From: "Thomas Breinstrup" <[log in to unmask]>
To: <[log in to unmask]>
Sent: Thursday, June 30, 2005 3:47 PM
Subject: Re: [INTERLNG] Lista del 3000-5000 parolas le plus frequente
> Un poco de information pro acclarar le "mysterios" e discussiones in est e
> west del thema de iste lista:
>
> 1.000 PAROLAS BASIC
> In Panorama (novembre-decembre 2003) esseva publicate le lista "Basic
> interlingua - in 1.000 parolas", elaborate per Norman Thornton, Canada.
> Illo es dividite in 100 parolas grammatic, 100 qualitates, 50 contrarios,
> 50 substantias, 200 cosas picturabile, 200 cosas general e 250 verbos.
> Illo es de un singule pagina A4. On pote discargar lo ci:
>
http://www.interlingua.dk/inseniamento/Basic%20interlingua%20-%20in%201.000%20parolas.pdf
>
> 2.000 PAROLAS BASIC
> Ante longe tempore, on comenciava editar si-appellate mini-dictionarios de
> interlingua in varie linguas. Le mini-dictionario (typicamente de 28
> paginas A5) contine un presentation brevissime de interlingua e de su
> grammatica, e pois veni le mini-dictionario con 2.000 parolas
> interlingua-lingua national + lingua national-interlingua. Iste
> mini-dictionarios pote esser comprate per le Servicio de Libros.
> http://www.interlingua.com/libros (on pote pagar per cartas a credito)
>
> 2.222 PAROLAS BASIC
> Ante alcun annos appareva le idea de elaborar un dictionario purmente in
> interlingua, i.e. un dictionario interlingua-interlingua. Un tal
> vocabulario ha essite eligite. Il ha 2.222 parolas exactemente, e cata uno
> de iste vocabulos es explicate per solmente usate le 2.221 altere parolas.
> Assi le dictionario - combinate con illustrationes - essera
> autoexplicative. Le labor del dictionario involve un gruppo de 10-12
> personas de tote le mundo. Le manuscripto basic es preste ma besonia esser
> ancora perlaborate e controlate plure vices. Iste labor totevia ha essite
> postponite alcun vices a causa de altere prioritates plus grande pro
> interlingua. Le dictionario de 2.222 parolas totevia pote sperabilemente
> apparer intra un medie anno - ma non expecta plus ante que vos lege novas
> super illo. Remane ancora un certe labor redactional.
>
> Con le optime salutes
> Thomas Breinstrup
>
> P.S. Ha vos inviate vostre salute al conferentia in Svedia in tres
> septimanas? Si non, visita
> http://www.interlingua.com/conferentia/2005/salutes.htm
>
> ======================================================
> Pro disabonar te del lista, invia un message a
> [log in to unmask] con le texto:
>
> UNSUBSCRIBE INTERLNG
>
> o visita le sito del lista:
>
> http://maelstrom.stjohns.edu/archives/interlng.html
> ======================================================
> Visita le sito official del Union Mundial pro
> Interlingua:
>
> http://www.interlingua.com/
> ======================================================
>
======================================================
Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:
http://www.interlingua.com/
======================================================
|
