Carissime Péter,

            In iste site, que Josu Lavin con alcun ration considera como
"monstruose", io ancora mantene le prime paginas (per su valor historic ?),
per le quales on pote accompaniar le succession del ideas que nos (Osmundo
et io) habe essayate disveloppar, visante al creation de un lingua
artificial, sed regular e simple, basate nel latino, mais accessibile
equalmente a non romanophonos, in summa, con characteristicas si universales
como possibile.
            Iste es le causa o ration del multe "contradictiones" que tu
habe identificate. Forsan nos deberea deler ab le sito tote le "phase
primitive" de nostre projecto, pro non confunder le visitantes interessate
in cognoscer e analisar seriemente nostre proposiciones. Asi, nos lassarea
ibi solmente le "phase definitive", actual, que corresponde al ultime (le
plus recente) definitiones in terminos e de orthographia e de phonetica, al
fin, de grammatica in general.
            De plus, post le publication de nostre prime systema, que nos
considerava como le plus elementar e forsan le plus facile a poseder, nos ha
admittite le possibilitate de establir un secunde e mesmo un tertie nivello
pro Latinove -- Osmundo alora suggereva que nos los appellava "Latinove Duo"
e "Latinove Avantiate". Isto, nos credeva, poterea facilitar le
apprentissage gradual, o per etapes, de tal lingua auxiliar.
            Sed, le evolution (revolution, secundo Josu) que ha evenite in
nostre ideas ha nos conducite a reconsiderar tote le projecto. Nos non plus
pensa a duo o tres nivellos pro Latinove. Nos ora nos effortia in
disveloppar le forme actual, presente, de Latinove, que nos sembla -- 
pardona nostre immodestia -- quasi perfecte. Si io eventualmente committe
parve mendas como scriber "c" in vice de "k", isto non debe eser viste como
un "contradiction", sed un "lapsus calami", pardonabile, a mi aviso, perque
io essaya usar, simultaneemente, tres versiones de lingua international:
Interlingua, Romanica e Latinove.
            Tu sape, car Péter, que io multo valuta tu opinion e que io
continua a considerar te como un bon amico. Io te regratia pro iste tu
mesages, que me da le opportunitate de elucidar alicun punctos importante re
iste nove lingua international auxiliar (LIA).

Fraternal e cordialmente,

Carlos Alberto

----- Original Message ----- 
From: "KOVACS Peter" <[log in to unmask]>
To: <[log in to unmask]>
Sent: Thursday, June 19, 2008 3:48 PM
Subject: Re: [INTERLNG] Un Kurso Original


Io voleva scriber: "le qual anque ha"...

(A saper: hic le contradiction se trova in lo que a vices ille scribe k,
altere vices c pro le mesme consonante [k]. Le contradiction del previe
projecto io non memora concretemente, ma secundo mi memoria illo sta in un
inconsequentia in scriber le cc o ck o cs in relation del pronunciation
[tsk]).

Péter Kovács

--
Archivos e disabonar: http://listserv.icors.org/archives/INTERLNG.html

__________ Informaçăo do NOD32 IMON 3201 (20080619) __________

Esta mensagem foi verificada pelo NOD32 sistema antivírus
http://www.eset.com.br

--
Archivos e disabonar: http://listserv.icors.org/archives/INTERLNG.html