Un question que me ha preoccupate le ultime tempore es le question de
registration a votar in le Statos Unite. Qual scopo es isto? Un
explication que io audiva in le radio national svedese esseva que viste
que on non ha numeros personal como nos ha in pro exemplo Svedia, on
debe registrar cata persona qui vole votar pro saper que ille ha iste
derecto.

In pro exemplo Svedia il ha un matriculo de votantes e ante le election
on recipe un carta de votation que on pote prender con se durante le
processo de votation. Si on ha cambiate domicilio il ha le
recommendation que on controla que on es in le matriculo de votation. Ma
ego ha votate sin le carta de election, solo monstrante mi crta de
identitate.

Secundo le lege constitutional de Svedia io non debe disvelar mi opinion
politic. Isto io solo demonstra, si io lo vole.

Pro me es incomprensibile como io pote registrar me pro un certe
partito. Isto debe significar que io disvela mi opinion politic e assi
pote esser le objecto de pressiones.

Como vos vide isto in le Statos Unite?

(In facto isto es un cosa multo plus interessante que le sol existentia
de -iera o -era in interlingua).

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================