Orang-Utanes Confronta Extinction in 20 annos.

LONDON (Reuters) -Orang-utanes confronta extinction in tanto poc como 20
annos a causa del industria de lignos e cacia illegal, diceva le gruppo pro
conservation WWF-UK 12 januario, 2004.

"Borneo e Sumatra, focar del populationesdel orang-utanes ultime del
mundo, ha perdite un stupifacente 91 pro cento de lor populationes
durante le 100 ultime annos," diceva WWF-UK in un declaration.

"Il ha actualmente minus que 30,000 orang-utanes remanente e es
probabile que illos devenira extincte in le silvas in tanto poc como 20
annos di ille declino continue," illo addeva.

Le industria de ligno e le portar via del silvas ha destruite 80 pro cento
del habitat silvestre del oragn-utanes in Malaysia e Indonesia.

Cacia legal e illegal pro carne e pro le comercio de animales pro
domestication
adde al declino in numeros del simia grande.

Le WWF-UK travalia pro extender sanctuarios ubi on prohibi le travalio del
industrias de ligno e le cacia, ma 60 pro cento de orang-utanes actualmente
habita extra le protection del reservas.

"Illo sera un effortio prolongate que costara milliones ma nos debe agir ora
pro salvar le orang-utanes, le quales es non solmente un parte critic del
catena alimentari ma un icone in le region," Francis SUllivan, Director de
Conservation de WWF-UK a Reuters.

_________________________________________________________________
High-speed users—be more efficient online with the new MSN Premium Internet
Software. http://join.msn.com/?pgmarket=en-us&page=byoa/prem&ST=1