Thomas, Ruud, cs:
  Io pensa, Thomas, que esser stricte in infortiar le regula que interlng es
solmente pro traductiones e discussiones nonlinguistic ignora le facto
que il habeva multe menses recentemente quando il habeva quasi necun
activitate a interlng de toto.  Ora lo que nos vide es que un nove gruppo 
de novicios ha venite a interlingua, e illes ha questiones linguistic
super interlingua. Debe nos ignorar les? Interlng es le original listserv
pro interlingua, e originalmente tote subjectos esseva ben venite. Illo
es le loco ubi novicios veni, e il es le novicios qui ha le questiones linguistic.
Alcuno habeva le idea que le discusiones linguistc habeva discoragiate
novicios e que on debe discoragiar tal discussiones.  Io pensa que a
inviar les a un gruppo pro discussiones linguistic discoragiarea le
novicios in continuar in studiar interlingua.  Ubi es tal gruppo? Como
pote illes discoperir lo si il non ha un adresse in le interete a que a
diriger se. E es illo tanto facile usar como interlng?

Si tu e alteres vole vider plus uso de interling in presentar traductiones
e discussiones super altere subjectos, alora, si il vos place, scribe alque.
Vider le exemplos de alteres va incoragiar le novicios a facer tal
traductiones equalmente.  Traductiones es un excellentissime methodo
pro apprender interlingua. 

Mais mesmo le discussiones e debattos linguistic presenta exemplos
del uso de interlingua e multo pote esser apprendite.   Io ha vidite
tal expressiones per novicios aqui. 

Stan Mulaik


--
Pro leger le archivos e pro modificar o cancellar le subscription:
http://listserv.icors.org/archives/interlng.html