In mi recente recercas super RSS, io trovava isto:
http://www.researchbuzz.org/archives/001677.shtml
~~~~~~~~~~~~~~~~~~~~~~~~~~~~~~~~~~~~~~~~~~~~
GOOGLE LABS OFFERE GOOGLE GROUPS 2
Google Labs ha lanceate Google Groups 2. Quando tu pensa a Google Groups,
tu pensa a Usenet, mais Google Groups 2 tamben offere le capacitate de
crear, participar in, e recercar listas de correspondentia (lo que es un
interessante attacco de flanco contra Yahoo). Le sito es disponibile
directemente a http://groups-beta.google.com/ .
Le nove Google Groups forni un maniera amicabile de navigar per gruppos de
novas (indice de subjectos), mais lo que realmente me fascina es le
capacitate de crear gruppos de e-mail. Pro facer lo tu va necessitar un
conto in Google Groups. Si tu non ha un, non te inquieta; illos es gratuite
e require solmente un adresse de e-mail e un contrasigno. Tu tamben debera
confirmar tu adresse ante que tu pote usar tu conto.
Post haber confirmate tu adresse de e-mail, tu es libere pro crear un
gruppo. Tu pote specificar le nomine del gruppo, adresse de e-mail,
description in 300 litteras, e le nivello de accesso (public, solo pro
annuncios, e restricte). Il ha tamben un quadrato a marcar pro specificar
quando un lista de correspondentia non es appropriate pro minores.
Io esseva capace de notar que le recerca de Google (Google simple) de
inurl:groups-beta site:groups-beta.google.com te indicara alcun nove
gruppos. Il ha un gruppo dedicate al Google Groups 2, naturalmente, e illo
es un bon gruppo pro explorar, a
http://groups-beta.google.com/group/google-labs-groups2/ . Listages monstra
quante membros pertine a un gruppo, assi como topicos active e un ligamine
pro initiar un nove topico (si illo es permittite in le gruppo). Si tu
prefere plus tosto navigar per iste e qualcunque altere gruppo de Google
Groups 2 via formato "syndicate", tu ha ille option; Google Groups 2 genera
alimentationes RSS (in formato Atom). Simplemente appende /feeds/ post le
directorio del gruppo. Per exemplo, si tu voleva obtener le alimentation
Atom pro le gruppo de supporto public de Google, prova
http://groups-beta.google.com/group/google.public.support.general/feeds/ .
Nota que ben que io succedeva in facer isto functionar in le major parte
del tempore, io obteneva alcun messages de error e manco de responsa del
servitor. Io suspecta que le sito es occupate. Alcun recargas usualmente
solveva le problema.
Postate per RBuzz a 17 de maio 2004 09:33
~~~~~~~~~~~~~~~~~~~~~~~~~~~~~~~~~~~~~~~~~~~~
Inter le gruppos de Usenet in Google Groups 2 se trova
"alt.language.interlingua":
http://groups-beta.google.com/group/alt.languages.interlingua
Le gruppo recipeva usque hodie solmente alcun messages sporadic, sin
connexion con interlingua. (Solmente "Chris" inviava un message "Qualcuno
es aqui?" in 23 de februario.)
Ensjo.
|
