Mario Malaguti wrote:
>
> Car Amicas e Amicos,
>
> iste message ha un destinatario particular que vive in le Nord. (*)
> Anque hodie, pro le dece-secunde die consecutive, in mi Treviso resplende
> le sol e le temperatura, ora al 11 horas del matino, es circa 10 grados
> centigrade.
>
Uppsala es situate 65 kilometros al nordwest de Stockholm e secundo mi
calendario le sol se levara al 8.36 hodie e se bassara al 15.18. Quando io
scribe isto le hora es 7.50 e le temperatura extra le casa es + 3,6
centigrados.

Meteorologs al Svedese Meteorologic e Hydrologic Instituto (SMHI) ha usate un
nove modello pro divinar le climato del terra durante le proxime cento annos e
on ha adaptate iste modello al zona Nordic. Quando on ha date a computatores
elaborar le modello on obtine le resultato que le temperatura medie annual va
augmentar 4 grados. Nos jam nunc ha un temperatura medie que es 7 grados plus
alte que es permittite per le latitude sur le qual nos es situate. Isto debe
significar que le temperatura medie in cento annos essera 11 grados supra lo
que nos expecta in relation al latitude!

Le prognosticatores promitte nive hodie. In mi parte de Svedia il
practicalmente non ha nive! Inexpectate, nonne?

> Io scribeva alcun dies retro:
> "Ab como se presenta le prime dece-duo dies del anno e ab como se
> presentara, a confirmation, le secunde dece-duo dies, in mi zona on trahe
> le auspicios pro come se comportara tote le anno.
> In le prime sex dies nos habeva le sol.
> Que dice vos de iste traditiones ancora actual in nostre campania, inter mi
> gente?"
>
Si, on ha simile proverbios ci, ma illes occurre plus tarde in le anno. In maio
in facto! On dice que si le die de Erik (18.5) da spica Olov (29.7) dara pan.)

> (*) Rider e sentir se ben.
> Si, io deberea apprender como rider pro sentir me ben, al contrario: tanto
> melio!
> Il non debe exister un facto de iste vita que sia assi importante, plus de
> sentir me ben, in le spirito e il le corpore.
> Esque io apprendera como io debe rider?
> Stan e Kjell R. nos poterea tentar iste interprisa in iste lista.
> Io ha sol iste vita! :-(

> Non importa illo que on dice de me, le importante es que illes parla de me.
> Que illes usa mi nomine sempre! :-))

On sole dicer que un bon riso prolonga le vita. Alcun humorista diceva que un
bon riso prolonga le bocca (in un surriso, on suppone). Esque tu non audi como
io ride?!

Amicalmente