Paul O Bartlett ha scripte:
> (...)  MIME
> es un methodo pro inviar 8 bits utilisante solo 7 bits.  Le methodo se
> nomina (anglese) "Quoted Printable" (Imprimibile Citate), e illo es
> difinite precisemente per un norma del Interrete.  Un message con
> characteres non-ASCII, usante le MIME methodo Imprimibile Citate, pote
> viagiar per le systemas computatorial vetule.

Ah, io percipe... Per exemplo illo transforma le characteres de codice
ASCII "alte" (128 -- 255) in un representation "=XX", ubi le "XX" es le
codice ASCII del character in hexadecimal... (Excusa novemente mi
informatichese!)

> Ergo, il devenira solo le
> responsabilitate del expeditor e del recipiente a emplear le methodo.
> Si normas existe, sed nemo los executa, il non habera le progresso.

Le messages que io invia a INTERLNG non usa le characteres alte. Assi,
in le capite del codice-fonte del e-mail il ha le lineas:

Content-Type: text/plain; charset=us-ascii
Content-Transfer-Encoding: 7bit

In un message que io habeva inviate a un amico brasilian, usante
litteras portugese (con acute, grave, tilde, cedilla, etc.), io trovava
iste lineas:

Content-Type: text/plain; charset=iso-8859-1
Content-Transfer-Encoding: quoted-printable

Nonobstante, si io invia un message con litteras portugese (ISO 8859-1)
a INTERLNG, iste lineas es removite. Culpa del programma que tracta le
LISTSERV, obviemente. E assi, le characteres con signos appare in su
forma "=XX".

Le problema hic es que il non se tracta de un simples retransmission de
e-mail ab un computator a altere usque que illo arriva a su
destinatario. Le programma del ListServ debe ALTERAR le contento del
capite del e-mail (pro directionar le "Reply-to" pro se ipse, etc.), e
assi ille "oblida" le lineas que specifica le codicification de
transferentia.

Oh, lassa me finir a parlar informatichese, o io soniara con bits a
morder mi pedes hodie de nocte...

Byte-mente, Ensjo.
--
   ENSJO : EMERSON JOSE' SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belem - Para - Brasil
Telephono: (091) 231-5740 // +55 91 231 5740