(Horas in GMT - Greenwich Mean Time)
18:38 - Le chef de policia de New York ha estimate in al minus duo mille
le mortos in le World Trade Center.
18:40 - Le governator de New York, George Pataki, ha demandate que le
population mantene le calma.
18:43 - Duo mille personas face le travalio de salvamento in le ruinas del
World Trade Center, secundo le burgomaestro de New York, Rudolph Giuliani.
18:49 - New York vive climate de guerra e stocka aqua e alimento.
18:51 - Le lineas de metro de New York ha essite reaperite, inclusive
Manhattan.
18:53 - Le fornimento de gas ha essite interrumpite in tote le edificios
de New York.
18:59 - Le agentia EFE ha informate que le organization japonese Armea
Rubre ha revindicate le attentatos in le Statos Unite. In un telephonata a
un jornal de Jordania, un supposite representante del organization ha
dicite que se tracta de un vindicantia contra le bombas jectate per le
nordamericanos super Hiroshima e Nagasaki in 1945.
19:01 - Le burgomaestro Rudolph Giuliani ha dicite que solo a partir de
deman sera possibile facer un estimation correcte del numero de mortos in
le destruction del World Trade Center.
19:06 - Le livration del Emmy, principal premio del TV nordamerican,
previdite pro dominica, ha essite cancellate, assi como le ceremonia del
Grammy latin, que evenirea hodie.
19:22 - Il ha 600 personas assistite in le hospitales de New York, secundo
le rete CNN.
19:27 - Le situation in le area del World Trade Center continua
periculose. Il ha focos de incendio e fragmentos continua a cader del
ruinas del edificios.
19:28 - Il ancora ha flammas in le Pentagono. Tote le edificios federal de
Washington es claudite.
19:29 - Le presidente George W. Bush ha arrivate al quartiero general del
Commando Aeree Strategic del Statos Unite, in le base de Offut, Nebraska.
19:30 - Le principal leaders del Congresso nordamerican ha essite
conducite a locos ignorate immediatemente post le attentatos.
19:33 - Le jocos programmate pro hodie in le Liga del Campiones de Europa
ha essite equalmente cancellate in solidaritate al victimas del attentato.
19:37 - Terroristas debe haber usate lor proprie pilotas.
19:38 - In parve gruppos, palestinos ha commemorate le attentato in le
Statos Unite, que illes considera un alliato de Israel contra lor populo.
19:41 - Dicente se "profundamente choccate", le governamento de Libano ha
presentate condolentias al Statos Unite.
19:41 - Le Jihad Islamic, altere organization terrorista, equalmente ha
negate le autorato del attacco. "Nos es contra le massacro de civiles
american", ha dicite un communicato.
Ensjo.
|
