Car amicos,

Plus tarde iste anno, plures de nos ha confecte un traduction del
Declaration Universal de Derectos Human, secundo un demando del Alte
Commission de Nationes Unite pro Derectos Human, que vaderea
commemorar le 50e anniversario del Declaration (decembre 1998) per
publicar in su sito web traductiones de illo in un multitude de
linguas.

Hodie io accessava iste sito pro constatar le stato de cosas, e
faceva un discoperimento un poco disquietante. Ecce:

----------
Versions are listed by regions, and within each region in
alphabetical order of the language.

Africa
North America
Central and South America
Asia
Europe
Ex-USSR
Middle East
Oceania

Esperanto
(Source: Universala Esperanto Asocio
Rotterdam, The Netherlands)
----------------

Lo que seque iste lista es un lista multo plus longe de linguas
individue in cata categoria regional. In multe casos il ha ancora le
mer nomine del lingua; le texto del traduction non es ancora ligate.

Ma nulle mention del toto de interlingua . Nulle texto; non mesmo le
nomine "interlingua". Que se passa? Lo que io *time* es le
possibilitate que le constructores ha decidite que *un* lingua
auxiliar suffice pro su scopos e non ancora vole includer le nostre
version in su commemoration. Lo que io *spera* es que le
constructores del sito non ha facite qualcunque renovationes desde
plure menses, illo es, que le version existante antedata le requesta
al UMI e on va adder ultimemente le texto interlinguan. Un altere
possibilitate es que iste projecto deveni stagnate, e nos non pote
expectar cambiomentos futur al sito, non a causa de qualcunque
dispecto a interlingua, simplemente ex fortias intertial.

Incertemente,

Chris Burd
Victoria, Columbia Britannic