=====================
LE MINAS ANTIPERSONAL
Allan Kiviaho  971011
=====================

da[971010]
ab[Kjell Tore Nilssen <[log in to unmask]>]
su[Premie Nobel 1997]

Salute, omnes!

Premio Nobel 1997

Es con grande gaudio on audi que le Premio Nobel per 1997
ha essite donate a le persones e organitationes que lucta
pro liberar le mundo del minas personales. Cata anno
milles de milles personas, le grande majoritate civiles,
esse ferite e occidate de iste armas inhumane e coarde. En
addition grande areas ha essite inhabitibile per humanos a
causa de iste armas. Nunc on pote esperar de obtener un
prohibition total contra minas personales, pocos cosas va
esser plus utile pro le gente povre en le paises
disveloppante. Io ha justo audite ex le radio que le
presidente del Russia, Borits Yeltsin, ha decidite que su
pais va terminar de vender iste armas e supporta un tal
prohibition.
    --------------------------------------------------
    Allan: Presidente Yeltsin sovente da declarationes
    impulsive (demanda le tchetchenes ...). Pro le
    presente le finlandeses non pote prender isto
    declaration seriemente.
    --------------------------------------------------
Nos deve esperar que altere paises productores como SUA, India, Pakistan
et China va sequer. Ante tote China deve sequer, proque China es le pais
qui produce e vende plus de iste armas horribilis.

Con sperantia, kjellt.

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

[Allan Kiviaho 971011]

Car Kjell,

Le minas antipersonal son horribile e le personas e
organisationes qui lucta pro prohibition total de illos
certemente ha meritate le Premio de Nobel pro pace.

Finlandia supporta le prohibition in principio, ma non vole
abstiner se de isto armas pro le momento. Finlandia es un
parve pais que ha un frontiera enorme contra un grande stato. In caso
del attacco le armea finlandese ha besonia
de ganiar tempore pro le mobilisation de su armea. Le minas
son un efficace medio a relentar un attacco surprise. Le
minas serea plantate sur le territorio finlandese, non sur le territorio
russe.

In le Guerra Hibernal (1939--40) Finlandia, que habeva ca.
10 divisiones, era attaccate per 60 divisiones sovietic.
Additionalmente, le divisiones sovietic era major que le
quales finlandese e habeva un grande superioritate de
artilleria (duo divisiones finlandese era totalmente sin
artilleria e le manco de granatas era catastrophic), carros
blindate (tanks) e aviones. In tal caso minas son absolutemente
necessari pro accrescer un defensa sufficiente. Finlandia non es un
membro del OTAN (NATO) o altere alliantias defensive, nos ha besonio de
omne medios possibile si o quando attaccate per un grande potentia.

Finlandia suffreva ex minas considerabilemente in 1944--5
in le guerra contra le armea german in Lapponia. Le germanos granava le
Lapponia plen con minas e multe ges
(ge = viro + femina) perdeva su vita o membros jam plure
annos post le guerra. Io ha essite un jocator de chacos
active. Sirkka-Liisa Vuorenpa"a (a"a = dupla a-umlaut) era
durante multo annos le plus bon jocator feminin de chacos in Finlandia.
Illa habeva perdite un pede per un mina in le guerra quando illa serviva
como un voluntario (Le organisation del 'Lotta Sva"rd') al fronte.

Pensa un parve village p.ex. in Bosnia que habe timor de un
attacco nocturne per un inimico superior, habente sete de
mundification ethnic. In tal situation il es multo comprendibile si le
parte inferior vole proteger se per minas. Le minas son in le plus casos
un arma del defensor,
del inferior, del povre, del opprimite, contra un aggressor potente.

Il existe anque minas offensive, le plus immoral son le minas in formas
de joculos, pennas etc., que son designate pro mutilar de infantes a
causar terror inter le population civil. Tal minas ha essite usate per
grande potentias in alicun guerras.

In ultra un aspecto egoistic. Mi filio es un commando-
soldat, un chassator litoral. Le minas son un arma importante pro
defensa le litoral del continente o lo
de un insula. Io e mi marita vole que nostre filio ha le plus grande
chance de superviver, atque etiam per non-human medios ... (Ha! Nunc io
es troppo pathetic, hodie un guerra non pare probabile. Nonobstante,
Russia remanera pro un tempore un pais multo instabile).

aMINAlmente

Allan

P.S.

Le plus bon "arma" contra le minas es, naturalmente, le pace. Ma il ha
necun garantias pro pace durabile. Al contrario, io crede que le plus
grande e catastrophic guerras son ancora ante de humanitate. Le guerras
le plus
destructive e lethal erumpera se quando le mundo comenciara
suffrer de vermente grave manco del ressources essential, como petroleo,
aqua fresc etc. Io crede como le majoritate
del americanos (e altere nationes), pro examplo, pensa que le
possibilitate de haber un automobile es plus importante que le vita del
milliones del arabes, chineses etc.

Forsan le Deo ha decidite que le ges (viros e feminas) -
isto arte multissime periculose e perniciose - annihila se
e da a natura ancora un chance de developer se
"naturalmente" e "normalmente" (e darwinemente, he-he). Tal es le
ideologia e doctrina de sr. Pentti Linkola, qui era un multo promittente
scientista (limnologista) ma lassava le toto e deveniva un piscator
simple. On appella le un
"eco-faschista".

Allan le pessimista e eco-bolchevista