Capras capriciose

Nostre capras es vive, gai, gaudiose, dotate de bon memoria,
naturalmente munde. Illos se leva al aurora, dormi al
crepusculo, e invita le pastor a profitar plenmente del
jornata, a melio appreciar le rytmo e color del stationes,
le beltate de cata mense in le jardin de Francia.

Bichette e Roussette cammina sin fatiga, capabile de
accompaniar le melior marchatores. Illos non quita lor
maestro, illos le reguarda e ascolta, dunque se disvia
nunquam. Totevia, pro satisfacer lor gusto del
independentia, illos vole sovente diriger le promenada
secundo lor capricio, lor phantasia. Glutte, anque epicureo,
illos se nutri al longe del percurso, conducite per le
qualitate del vi vanda secundo le menses. Illos apprecia le
herba tenere al primavera, prefere le foliage al estate,
pois al cadita del calor, illos deveni avide del glandes de
quercos, de brancas spinose. In autumno, lor favor vade al
castanias, marrones de India, malos cadite. Spinos, hedera,
ramos face lor placer in hiberno.

Le sentimento del rito es typic del fer specia del capras.
Illos seque le traditiones; le matre debuta le marcha, le
filia seque e debe conducer se ben, si non illo es punite
per un colpo de testa. Totevia cata animal ha su
personalitate. Al matino, Bichette olface le aer ante de
sortir del stabulo; Rousette reverte le testa pro saper le
color del celo. Al mulgitura, le parve se offere
gaudiosemente, su matre vole le presentia de duo personas.
Illos time le pluvia e le aer confinate, ma non le frigido.

Durante le calor, illos cerca le dulce umbras pro ruminar in
pace. In hiberno, illos joca con allegressa sur le nive. Ali
quando, illos se cela pro rider del pastor, qui debe
attender que illos se discoperi e descende a grande
celeritate, salutante le Jean Domec, ingeniero retirate,
devenite historico caprin presso Tours.

Originari del montanias de Grecia e multo fer, mi capras ha
le sentimento del altitude, cammina sur le muros, ascende e
descende le collina con placer. Illos se erige contra un
arbore, pro mangiar folios e fructos. Le papiro los attrahe,
illos captura vostre jornal e lo devora.

Le vita de mi duo capras forma un compania plus pittoresc,
phantastic e amical que illo del animales classic: can,
catto o cavallo (que io non minusprecia). Io ha describite
lor promenada, lor nu trimento, lor intelligentia, lor gusto
del bon productos del natura, lor jocos. Io poterea
describer lor amores intense. Ora le capra ha inspirate le
poetas como Virgile, ora illo incarnva le imagine de Mal.

Le nascentia e le jocos del caprettos, le imagine del
lacte-nutrice, le phantasia del specia (pensa al parola
capricio) nos da un vive sentimento del Creation.

E Rousette e Blanchette es utile. Io es un elevator
affectionate, ma io fabrica mi caseo.

A tabula con mi amicos, nos sapora alicun productos de
nostre terrenos, ric de 80 caseos, e del vino de nostre
colli nas de Touraine. Nos ha alicun deberes verso le
animales, e io lucta contra le abusos del agricultura
industrial sin ani ma. Illo es un altere capitulo, ma iste
pagina monstra jam le placer del bon elevator.

Si vos ha le spatio e le otio, compra duo capras!


Paolo Castellina
CH-7604 Borgonovo (Switzerland)
Tel. (++41,81)8221145
[log in to unmask]
http://www.geocities.com/~pcastellina