From - Mon Sep 29 22:57:39 1997
     by mailb.telia.com (8.8.5/8.8.5) with ESMTP id
RAA23781;
     Mon, 29 Sep 1997 17:13:45 +0200 (MET DST)
Message-Id: <[log in to unmask]>
ab["Ingvar Stenstrom" <[log in to unmask]>]
To: "Allan Kiviaho" <[log in to unmask]>
Cc: "Jan Armann" <[log in to unmask]>
su[Salva le desperato]
da[970929]
X-MSMail-Priority: Normal
X-Priority: 3

Gratias Allan pro tu promissa de re-diriger mi message -
certo non importante - pro Anne a INTERLNG.  Isto certe
non es un methodo regularmente  acceptabile, sed forsan tu
pote deteger le error. Salutes amical
Ingvar

Car Anne e omne altere discutentes,

Primo: Non io, sed Stan Mulaik ha habite contactos
personal con dr. Gode. In facto io ha habite solmente un
sol lettera de ille, que concerneva cosas administrative.
Multo tosto io comprendeva que Gode non esseva interessate
(al minus coram le publico general) in promover

Interlingua como (o "qua", si vos vole) lingua auxiliar
general in le senso usual.  "Ecce I-a  -  un registration
de un realitate historic, le vocabulario international,
non un altere Esperanto!"

Certo non un Espo, sed in le opinion de nos qui formava
UMI un lingua que pote servir tamben (e tanto ben o melio)
in relationes inter homines qui non maestra linguas
romanic.  Sed le multe synonymos, collaterales  e
irregularitates superflue impediva le evolution de un
"Interlingua popular".

Io dunque non esseva o es un "godeano" in despecto de mi
grande admiration pro su lanceamento de I-a in le Statos
Unite.

Secundo: Sapir certo esseva contributor in le recerca de
IALA, sed probabilemente non multo per su theoria. Whorf
NON lo esseva. Le facto que Gode un o duo vices le
mentiona es in mi opinion explicabile exactemente como lo
explica Chris Burd: Gode 'besoniava' le supporto de un tal
theoria, proclamante que un lingua pro tote culturas es
impossibile, pro justificar su abhorrentia pro Esperanto
e su ambitiones de esser un "lingua-panacea" e
specificamente pro le typo de fanaticos qui lo cultivava
in le SUA in ille dies.

Tertio: Mi professor de phonetica e linguistica general,
Bertil  Malmberg non multo estimava Whorf - "un laico" -
sed necuno mentionava racismo o sexismo. Como Chomsky
ille forsan esseva "in voga" durante un certe tempore.
Como indica Jay Bowkes il ha naturalmente un grano  de
veritate in le conclusiones mesmo de Whorf. Io non los
cognosce satis ben pro poter judicar.

Con interesse io expecta le presentation de Anne.
nei
Amicalmente
Ingvar

-----------------------------------------------------------

Car amicis (= amicas + amicos, un heresia ...),
Io ha reexpedite isto message de Ingvar, per que INTERLNG
rejecta su messages. Ingvar ha usate como su nomine
[log in to unmask] Forsan isto nomine non
es registrate per INTERLNG, su previe nomine esseva ja
[log in to unmask] Ingvar,
poterea tu experimentar con tu vetule nomine? Ma totevia, tu pote semper
usar me como un officio postal.
Salutante
Allan