STAN MULAIK scribeva:
>
> VARIO deveniva VARIE (non VARI)
> IMPIO deveniva IMPIE (non IMPI)
> RUBIO deveniva RUBIE (non RUBI)
>
> Il me sembla que -ari es un differente affixo que -e, pro adjectivos de un
> certe typo.  Le VARI- es le radice a que es addite -E; illo non es un
> caso de -ari.

Oh, si, Stan, io comprende que VARIE non es un adjectivo con -ARI(E). Io
va tentar explicar melior mi problema.

In latino, le suffixo es -ARIUS, -A, -UM, isto es, -ARI- + <termination
de genere>. (Illo forma basicamente adjectivos, que pote esser usate
tamben como substantivos.) Tamben il ha -ORIUS, -A, -UM.

Similemente, VARIUS es un adjectivo componite de un radice
(indecomponibile) VARI- + <termination de genere>.

On pote stabilir un regula practic pro le extraction de parolas ab le
linguas-fonte: le termination de genere latin -US, -A, -UM in adjectivos
ha essite substituite pro -E in Interlingua. (Obviemente isto non es un
regula explicite, ma es solmente un patrono que surge ab le regulas
realmente usate.)

        PARV-US > PARV-E.
        BELL-US > BELL-E.

Nos pote notar alcun casos in le quales le -E final non ha essite addite
in Interlingua:

1) Al fin de parola, post -R, -N o -L antecedite per vocal, como un
forma de indicar le syllaba tonic:

        TÉNER-E, ma AMÁR pro non pronunciar ÁMAR-E.
        JÚVEN-E, ma CANÍN pro non pronunciar CÁNIN-E.
        VÉTUL-E, ma ANIMÁL pro non pronunciar ANÍMAL-E.

2) Al fin de parola, post -C, pro evitar pronunciar [(t)s] in loco de
[k]:

        MAGIC, pro non pronunciar MAGIC-E como MÁGISSE.

E isto es toto. Alora, il non ha qualcunque regula (explicite in le IED
o notate como un consequentia del regulas real) que explica le pur e
simple elimination del termination de genere in le suffixos -ARIUS e
-ORIUS, sin le addition de -E in su loco.

Al minus, io non lo vide.

Quanto al occurrentia de VOLUNTARIE in le Interlingua Grammar, io non
crede que illac on ha tentate registrar un adverbio per un forma
differente del adjectivo. Io es plus tosto temptate a creder que le
autores del Grammatica (o que JUSTO le autor de ILLE parte del
Grammatica) ha essite prendite justo per le "patrono expectande" de
-ARIE in loco de -ARI, e que illac on ha usate un adjectivo como
adverbio, como illustrate in le § 51 del Grammatica.
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html