Salute,
Jay cita un message de un John Dale in re como quidar un lingua
international a successo. Jay scribe que 
>iste suggestiones pote esser multo effective! Hic plure ideas pro
implementar un lingua auxiliar...
e John Dale nota in su message in anglese intitulate _Secretos de successo_
(in mi traduction) 

>> >         Io pensa que le secreto principal de un lingua international
>>>auxiliar es ignorar le propaganda al adultos, ignorar questiones del
>>>usabilitate del lingua como lingua mundial professional o diplomatic e
>>>focusar systematicamente al scholas e la valor del lingua international
>>>auxiliar (...) pro infantes como un indroduction al linguistica (?) e
>>>linguas estranier...._
Mi commentario: 
On debe tamen haber institutores qui vermente _sape_ le lingua. On debe
convincer le parentes/curatores del infantes que le lingua international 
vermente es bon. Esque isto es vermente possibile si il non ha personas
inter le parentes qui sape le lingua in question? 

>> >         Un altere possibile secreto de successo poterea esser de crear
>> > pamphlettos in re scholas que jam ha laborate successosemente 
>> > con le lingua auxiliar international in iste maniera a istribuer 
>> > ille pamphlettos con specimenes de materiales educative. 

Esque il non es necessari saper de OMNE le resultatos de scholas que ha date
instruction in le lingua innternational auxiliar in question. Que on face un
ver evaluation del resultatos, si impartial que possibile? 

>> >         Un altere poterea esser preparar, al uso del parentes del  
>> > alumnos, un guida, que passo post passo les adjuta in le communication 
>> > con le administration del schola del infantos e instigar lo a 
>> > observar altere scholas que ha usate le lingua international auxiliar  
>> > e crear un reporto in re le executabilitate local usante iste ingua  
>> > international auxiliar. 

Isto es multo importante viste que le regulas secundo le quales on pote
facer tal contactos con le administration scolar cambia de un stato al
altere e de un pais al altere. A mi aviso on debe haber institutores
autorisate pro le inseniamento de un lingua si illo es integrate in le
curriculo del shola. 

>> >         Principalmente usante iste methodos juncte con logica gentile e
>> > persistente, Kent Jones ("R.Kent Jones"
>> > <[log in to unmask]>), qui es le commissionario pro education 
>> > del Liga Esperanto pro America Nord, ha adjuvate in crear plus que 
>> > duo dosenas de classes esperanto in scholas in le SUA durante ultime 
>> > annos passate. 

A mi aviso il existe paucissime material con evaluationes objective del
resultatos del inseniamento de linguas international. Le lector gymnasial
svedese Ingvar Stenström (-stro¨m - le o ha un umlaut!) usava su proprie
manual de interlingua como introduction al subjecto scholar "vocabulario
international". Le profito de isto era que iste subjecto non deveniva si
teroretic e enoiose e resultava in isto que le alumnos qui habeva apprendite
interlingua poteva plus facilemente leger textos in espaniol o italiano con
melior comprehension que le alumnos qui habeva sequite le inseniamento
normal de ille linguas! Le causa de isto es naturalmente que apprendente
interlingua on se concentra a vocabulario e non al grammatica retardante.
Tamen il es evidente que si on volerea haber resultatos plus
scientificamente on deberea haber facite plus de probas.

Quanto a esperanto on ha facite alcun programmas de inseniamento in un
programma regional inter alcun paises regional, e il es multo probabile que
on ha facite evaluationes scientific de illos, sed non in le medios
principal pro inseniantes. 

In parentese ego pote notar que le jornal Metro - que es distribuite gratis
al viagiatores del metro in Stockholm - un schola in Hjulsta, un suburbio de
Stockholm, usava esperanto in le inseniamento. Le carota era un sejorno al
castello Grésillon in Francia. Le classe consistente de alumnos de un
multitudo de nationalitates habeva essite multo inquiete. Un inseniante dava
un curso de esperanto al alumnos como un medio unir le classe circum un
objectivo commun pro omne interessate, e toto semblava ben, secundo le
reporto in le jornal. 

Esque alcuno sape plus del resultato de iste inseniamento. Esque le classe
vermente viagiava a Grésillon in Francia?

Un lingua es divulgate si on lo usa si multo que possibile. Il non del toto
noce, si on lo etiam insenia in le scholas, sed on debe saper pro qual
ration, e on debe haber bon material. Inseniatores qui non parla le lingua
ben plus tosto noce que adjuva le cosa.

Amicalmente


Kjell Rehnstroem    
Vaenortsgatan 87      
S - 75264 Uppsala
email: [log in to unmask]