le amico Kjell Rehnstrom, in le die 11 julio 2005 scribeva:

> ................... Mi puncto es in
> principio que in loco de parlar del "Union Europee" ego pensa que "Union
> Europa" esserea preferibile, viste que il ha duo ben comprensibile
> parolas europee: Union e Europa.

Car Kjell, tu rationamento es interessante, assi io iva retro a leger (I
went back to read) mi libros de syntaxe comparate, ubi io trovava le
sequente information:

"Characteristic del linguas indo-europee es anque le "apposition", o le
usage de collocar vicin a un nomine un altere nomine o un locution pro
determinare lo melio o pro completar su description.
................
Le simple nomine appositive es poste generalmente ante le nomine
qualificate; iste es le caso del nomines que indica un titulo, un
profession, un officio (doctor House, anglese; il dottor Casa, italiano; le
docteur Maison, francese; etc.) o del "hyperonimos" (io non sape traducer lo
in Interlingua) como "monte", "colle", "fluvio", "laco" quando precede un
nomine geographic (Mount Rushmore, anglese; Monte Cervino, italiano; Mont
Blanc, francese; etc.)."

Pois que iste regula es appoiate per tote le linguas fonte, io opina que
"Union Europa" non es correcte, quia "Union" non es un hyperonimo. De facto,
nos ha:
(anglese) European Union
(italiano) Unione Europea
(francese) Union Europee
etc.

Naturalmente, iste es solmente mi opinion.

robocap

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================